Book Title: Agam 24 Chhed 01 Nishith Sutra Nishihajjhayanam Terapanth
Author(s): Tulsi Acharya, Mahapragna Acharya
Publisher: Jain Vishva Bharati

View full book text
Previous | Next

Page 116
________________ निसीहज्झयणं उट्ठ-पदं १०३. जे निग्गंथे निग्गंथीए उठे अण्ण उत्थिएण वा गारथिएण वा आमज्जावेज्ज वा पमज्जावेज्ज वा, आमज्जावेंतं वा पमज्जावेंतं वा सातिज्जति ॥ १०४. जे निग्गंथे निग्गंथीए उठे अण्णउत्थिएण वा गारथिएण वा संवाहावेज्ज वा पलिमद्दावेज्ज वा, संवाहावेतं वा पलिमद्दावेंतं वा सातिज्जति ॥ १०५. जे निग्गथे निग्गंथीए उठे अण्णउत्थिएण वा गारथिएण वा तेल्लेण वा घएण वा वसाए वा णवणीएण वा अभंगावेज्ज वा मक्खावेज्ज वा, अभंगावेंतं वा मक्खावेंतं वा सातिज्जति ॥ १०६. जे निग्गंथे निग्गंथीए उठे अण्णउत्थिएण वा गारथिएण वा लोद्धेण वा कक्केण वा चुण्णेण वा वण्णेण वा उल्लोलावेज्ज वा उव्वट्टावेज्ज वा, उल्लोलावेतं वा उन्वट्टावेंतं वा सातिज्जति ॥ १०७. जे निग्गंथे निग्गंथीए उठे अण्णउत्थिएण वा गारथिएण वा सीओदग-वियडेण वा उसिणोदग-वियडेण वा उच्छोलावेज्ज वा पधोवावेज्ज वा, उच्छोलावेंतं वा पधोवावेंतं वा सातिज्जति ।। १०८. जे निग्गंथे निग्गंथीए उठे अण्णउत्थिएण वा गारथिएण वा फुमावेज्ज वा रयावेज्ज वा, फुमावेतं वा रयावेतं वा सातिज्जति ।। दोह-रोम-पवं १०९. जे निग्गंथे निग्गंथीए दीहाइं उत्तरोट-रोमाइं अण्णउत्थिएण वा गारस्थिएण वा कप्पावेज्ज वा संठवावेज्ज वा, कप्पावेंतं वा संठवावेंतं वा सातिज्जति ॥ ११०. जे निग्गंथे निग्गंथीए दीहाई णासा-रोमाइं अण्णउत्थिएण वा गारथिएण वा, ____ कप्पावेज्ज वा संठवावेज्ज वा, कप्पावेंतं वा संठवावेंतं वा सातिज्जति ॥ अच्छि -पत्त-पदं १११. जे निग्गंथे निग्गंथीए दीहाई अच्छि-पत्ताई अण्णउत्थिएण वा गारथिएण वा कप्पावेज्ज वा संठवावेज्ज वा, कप्पावेंतं वा संठवावेतं वा सातिज्जति ॥ अच्छि -पवं ११२. जे निग्गंथे निग्गंथीए अच्छीणि अण्णउत्थिएण वा गारथिएण वा आमज्जावेज्ज वा पमज्जावेज्ज वा, आमज्जावेंतं वा पमज्जावेंतं वा सातिज्जति ॥ ११३. जे निग्गंथे निग्गंथीए अच्छी णि अण्णउथिएण वा गारथिएण वा संवाहावेज्ज वा पलिमद्दावेज्ज वा, संवाहावेंतं वा पलिमद्दावेतं वा सातिज्जति ।। ११४. जे निग्गंथे निग्गंथीए अच्छीणि अण्णउत्थिएण वा गारथिएण वा तेल्लेण वा घएण वा वसाए वा णवणीएण वा अब्भंगावेज्ज वा मक्खावेज्ज वा, अब्भंगावेंतं वा मक्खावेंतं वा सातिज्जति ।। Jain Education International For Private & Personal Use Only www.jainelibrary.org

Loading...

Page Navigation
1 ... 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138