________________
निसीहज्झयणं
संवाहेंतं वा पलिमदे॒तं वा सातिज्जति ।। ११३. जे भिक्खू विभूसावडियाए अपणो कायंसि वणं तेल्लेण वा घएण वा वसाए वा
णवणीएण वा अब्भंगेज्ज वा मक्खेज्ज वा, अब्भंगेंतं वा मक्खेंतं वा सातिज्जति ॥ ११४. जे भिक्खू विभूसावडियाए अप्पणो कार्यसि वणं लोद्धेण वा कक्केण वा चण्णण वा
वणेण वा उल्लोलेज्ज वा उव्वट्टेज्ज वा, उल्लोलेंतं वा उव्वट्टेतं वा सातिज्जति ॥ ११५. जे भिक्खू विभूसावडियाए अप्पणो कायंसि वणं सीओदग-वियडेण वा उसिणोदग
वियडेण वा उच्छोलेज्ज वा पधोवेज्ज वा, उच्छोलेंतं वा पधोवेंतं वा
सातिज्जति ॥ ११६. जे भिक्खू विभूसावडियाए अप्पणो कायंसि वणं फुमेज्ज वा रएज्ज वा, फुतं वा
रएंतं वा सातिज्जति ॥ गंडावि-परिकम्म-पवं
११७. जे भिक्खू विभसावडियाए अप्पणो कायंसि गंडं वा पिडयं वा अरइयं वा असियं
भगंदलं वा अण्णयरेणं तिक्खेणं सत्थजाएणं अच्छिदेज्ज वा विच्छिदेज्ज वा,
अच्छिदेंतं वा विच्छिदेंतं वा सातिज्जति ।। ११८. जे भिक्खू विभसावडियाए अप्पणो कायंसि गंडं वा पिडयं वा अरइयं वा असियं वा
भगंदलं वा अण्णयरेणं तिक्खेणं सत्थजाएणं अच्छि दित्ता वा विछि दत्ता वा पूर्व
वा सोणियं वा णीहरेज्ज वा विसोहेज्ज वा, गीहरेंतं वा विसोहेंतं वा सातिज्जति ॥ ११६. जे भिक्खू विभूसावडियाए अप्पणो कार्यसि गंड वा पिडयं वा अरइयं वा असियं
वा भगंदल वा अण्णयरेणं तिक्खेणं सत्थजाएणं अच्छिदित्ता वा विच्छिदित्ता वा प्रयं वा सोणियं वा णीहरित्ता वा विसोहेत्ता वा सीओदग-वियडेण वा उसिणोदग
वियडेण वा उच्छोलेज्ज वा पधोवेज्ज वा, उच्छोलेंतं वा पधोवेंतं वा सातिज्जति ।। १२०. जे भिक्खू विभूसावडियाए अप्पणो कायंसि गंडं वा पिडयं वा अरइयं वा असियं वा
भगदलं वा अण्णयरेणं तिक्खेणं सत्थजाएणं अच्छिदित्ता वा विच्छिदित्ता वा पूर्व वा सोणियं वा णीहरित्ता वा विसोहेत्ता वा सीओदग-वियडेण वा उसिणोदगवियडेण वा उच्छोलेता वा यघोएत्ता वा अण्णयरेणं आलेवणजाएणं आलिंपेज्ज वा
विलिपेज्ज वा, आलिपंतं वा विलिपंतं वा सातिज्जति ॥ १२१. जे भिक्ग्य विभूमावडियाए अप्पणो कायंसि गंडं वा पिडयं वा अरइयं वा असियं वा
भगंदलं वा अण्णयरेणं तिक्खेणं सत्थजाएणं अच्छिदित्ता वा विच्छिदित्ता वा पूयं वा सोणियं वा णीहरित्ता वा विसोहेत्ता वा सीओदग-वियडेण वा उसिणोदगवियडेण वा उच्छोलेत्ता बा पधोएत्ता वा अण्णय रेणं आलेवणजाएणं आलि पित्ता वा विलिपित्ता वा तेल्लेण वा घएण वा वसाए वा णवणीएण वा अब्भंगेज्ज वा मक्खेज्ज वा, अब्भंगेंतं वा मक्खेत वा सातिज्जति ॥
Jain Education International
For Private & Personal Use Only
www.jainelibrary.org
