Acharanga Sutram

Author(s): Jain Sahitya Sanshodhak Samiti
Publisher: Jain Sahitya Sanshodhak Samiti

Page 44

३६
आयारंग-सुत्तं
[उ०४
एवं पि तत्थ लाढेहिं अलद्ध-पुव्वो वि एगया गामो; ९. उवसंकमन्तमपडिन्नं गामन्तियं पि अप्पत्तं
पडिनिक्ख मित्तु लूसिंसु : " एयाओ परं पलेहि !" ति । १०. हय-पुव्वा तत्थ दण्डेणं अदु वा मुट्ठिणा अदु फलेणं ।
अदु लेलुणा कवालणं ; “ हन्ता हन्ता" बहवे कन्दिसु । मंसाण छिन्न-पुव्वाई, ओट्ठभियाएँ एगया कायं परिस्सहाई लुञ्चिसु अदु वा पंसुणा उवकरिसु, उच्चालइय निहाणिंसु अदु वा आसणाओं खलइंसुवोसट्ठ-काएँ पणयासी दुक्ख-सहे भगवं अपडिन्ने । सूरो संगामसीसे व संवुडे तत्थ से महावीरे पडिसेवमाणों फरसाइं अचले भगवं रीइत्था । ____एस विही अणुक्वन्तो माहणेण मईमया
बहुसो अपडिन्नेणं भगववया एवं रीयन्ते-त्ति बेमि ।।
१. ओमोयरियं चाएई अपुढे वि भगवं रोगहि
पुट्ठो व से अपुट्ठो वा नो से साइज्जर तेइच्छं। २. संसोहणं च वमणं च गायब्भंगणं सिणाणं च
संबाहणं न से कप्पे दन्त-पक्खालणं परिन्नाए । विरए य गाम-धम्महिं रीयइ माहणे अबहु-वाई, सिसिरम्मि एगया भगवं छायाएँ झाइ आसी य । मायावई य गिम्हाणं अच्छइ उक्कुडुए अभितावे, अदु जावइत्थ लहेणं ओयण-मन्थु-कुम्मासेणं । एयाणि तिण्णि पडिसेवे अट्ठ मासे य जावए भगवं, अपिइत्थ एगया भगवं अद्ध-मासं अदु वा मासं पि । अवि साहिए दुवे मासे छप्पि मासे अदु वा अपिवित्था,
राओविरायं अपडिन्ने अन्न-गिलायमेगया भुञ्जे । __ छटेणमेगया भुले अदु वा अट्ठमेण दसमेणं,
दुवालसमेण एगया भुञ्जे पेहमाणे समाहिं अपडिन्ने । ८. नच्चाण से महावीरे नो वि य पावगं सयमकासी
अन्नेहिं वी न कारेत्था कीरन्तं पि नाणुजाणित्था । गामं पविस्स नगरं वा घासमेसे कडं परट्ठाए
सुविसुद्धमेसिया भगवं आयय-जोगयाएँ सेवित्था । १०. अदु वायसा दिगिच्छन्ता, जे अन्ने रसेसिणो सत्ता
घासेसणाएँ चिट्ठन्ते सययं निवइए य पेहाए,