Book Title: Aatmbodhak Granthtrai
Author(s): Yogtilaksuri
Publisher: Sanyam Suvas
View full book text
________________
ઉપર
वार
नियकम्मपवणचलिओ, जीवो संसारकाणणे घोरे । का का विडंबणाओ, न पावए दुसहदुक्खाओ ॥ ७९ ॥ सिसिरम्मि सीयलानिललहरिसहस्सेहि भिन्नघणदेहो । तिरियत्तणम्मि रण्णे, अणंतसो निहणमणुपत्तो ॥८०॥ गिम्हायवसंतत्तोऽरण्णे छुहिओ पिवासिओ बहुसो। संपत्तो तिरियभवे, मरणदुहं बहु विसूरंतो ॥८१॥ वासासऽरण्णमज्झे, गिरिनिज्झरणोदगेहि वज्झंतो। सीयानिलडज्झविओ, मओसि तिरियत्तणे बहुसो ॥८२॥ एवं तिरियभवेसु , किसंतो दुक्खसयसहस्सेहि। वसिओ अणंतखुत्तो, जीवो भीसणभवारण्णे ॥८३ ॥ दुटुकम्मपलयानिलपेरिओ भीसणम्मि भवरण्णे। हिंडतो नरएसु वि, अणंतसो जीव! पत्तोसि ॥ ८४ ॥ सत्तसु नरयमहीसु, वज्जानलदाहसीयवियणासु। वसियो अणंतखुत्तो, विलवंतो करुणसद्देहिं ॥८५ ॥ पियमायसयणरहिओ, दुरंतवाहीहि पीडिओ बहुसो। मणुअभवे निस्सारे, विलाविओ किंन तं सरसि? ॥८६॥ पवणुव्व गयणमग्गे, अलक्खिओ भमइ भववणे जीवो। ठाणट्ठाणम्मि समुज्झिऊण धणसयणसंघाए ॥८७ ॥
Page Navigation
1 ... 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292