Aatmbodhak Granthtrai

Author(s): Yogtilaksuri
Publisher: Sanyam Suvas

Page 281

जह भोयणमविहिकयं, विणासए विहिकयं जियावेइ । तह अविहिकओ धम्मो, देइ भवं विहिकओ मुक्खं ।। ४३ ।। मेरुस्स सरिसवस्स य, जत्तियमित्तं तुं अंतरं होइ । दव्वत्थयभावत्थयअंतरमिह तत्तियं नेयं ।। ४४ ।। उक्कोसं दव्वत्थयं आराहिय जाई अचुअं जाव । भावत्थएण पावइ, अंतमुहूत्तेण निव्वाणं ।। ४५ ।। जत्थ य मुणिणो कयविक्याइ कुव्वंति निच्चपब्भट्ठा । तं गच्छं गुणसायर !, विसं व दूरं परिहरिजा ।। ४६ ।। जत्थ य अज्जालद्धं, पडिग्गहमाई य विविहमुवगरणं । पडिभुंजइ साहूहिं, तं गोयम! केरिसं गच्छं ? ।। ४७ ।। * जहिं नत्थि सारणा वारणा य, पडिचोयणा य गच्छम्मि । सो य अगच्छो गच्छो, संजमकानिहि मुत्तव्यो ।। ४८ ।। ★ गच्छं तु उवेहंतो, कुब्बइ दीहं भवं विहीए उ । पालंतो पुण सिज्झइ, तइअभवे भगवईसिद्धं ।। ४९ ।। जत्थ हिरन्नसुवन्नं, हत्थेण पराणगं पि नो छिप्पे । कारणसमलियंपि हु, गोयम! गच्छं तयं भणियं ।। ५० ।। * पुढविदगअगणिमारुअ-वणस्सइ तह तसाण विविहाणं । मरणंते वि न पीडा, कीरइ मणसा तयं गच्छं ।। ५१ ।।