________________
अ० १-उ० ३]
सुत्तागमे
हित्ता आहारं आहारेत्तए, माइट्ठाणं संफासे णो एवं करिजा, से तत्थ कालेण अणुपविसित्ता तत्वेयरेयरेहि कुलेहिं सामुदाणियं एसियं वेसियं पिडवायं पडिगाहित्ता आहारं आहारिजा ॥ ५५२ ॥ से भिक्खू वा (२) से जं पुण जाणेजा गामं वा जाव रायहाणिं वा, इमंसि खलु गामंसि वा जाव रायहार्णिसि वा संखडि सिया तंपि य गामं वा जाव रायहाणिं वा संखडि संखडिपडियाए णो अभिसंधारेजा गमणाए, केवली बूया आयाणमेयं ।। ५५३ ।। आइण्णा अवमा णं संखडि अणुपविस्समाणस्स पाएण वा पाए अकंतपुव्वे भवइ, हत्थेण वा हत्थे संचालियपुग्वे भवइ, पाएण वा पाए आवडियपुग्वे भवइ, सीसेण वा सीसे संघट्टियपुव्वे भवइ, काएण वा काए संखोभियपुव्वे भवइ, दंडेण वा मुठ्ठिणा वा लेलुणा वा कवालेण वा अभिहयपुव्वे वा भवइ, सीओदएण वा उसित्तपुव्वे भवइ, रयसा वा परिघासियपुव्वे भवइ, अणेसणिजेग वा परिभुत्तपुव्वे भवइ, अण्णेसिं वा दिजमाणे पडिगाहियपुव्वे भवइ, तम्हा से संजए णिग्गंथे तहप्पगारं आइण्णाऽवमा णं संखडि संखडिपडियाए नो अभिसंधारिजा गमणाए ॥ ५५४ ॥ से भिक्खू वा (२) गाहावइकुलं पिंडवायपडियाए पविढे समाणे से जं पुण जाणेजा, असणं वा (४) एसणिज्जं सिया अणेस णिज सिया वितिगिच्छसमावण्णेणं अप्पाणेणं असमाहडाए लेस्साए तहप्पगारं असणं वा (४) लामे संते णो पडिगाहिज्जा ॥ ५५५ ॥ से भिक्खू वा (२) गाहावइकुलं पविसित्तु कामे सव्वं भंडगमायाय गाहावइकुलं पिडवायपडियाए पविसिज वा णिक्खमिज्ज वा ॥ ५५६ ॥ से भिक्खू वा (२) वहिया वियारभूमि वा विहारभूमि वा णिक्खममाणे पविसमाणे वा सव्वं भंडगमायाए बहिया वियारभूमि वा विहारभूमि वा णिक्खमिज वा पविसिज वा ॥ ५५७ ॥ से भिक्खू वा (२) गामाणुगामं दूइज्जमाणे सव्वं भंडगमायाए गामाणुगामं दूइजिजा ॥ ५५८ ॥ से भिक्खू वा (२) अह पुण एवं जाणिज्जा तिव्वदेसियं वासं वासेमाणं पेहाए, तिव्वदेसियं महियं संणिचयमाणं पेहाए महावाएण वा रयं समुद्भुयं पेहाए तिरिच्छसंपाइमा वा तसा पाणा संथडा सन्निचयमाणा पेहाए, से एवं णच्चा णो सव्वं भंडगमायाय गाहावइकुलं पिंडवायपडियाए पविसिज वा णिक्खमिज्ज वा बहिया वियारभूमि वा विहारभूमिं वा पविसिज वा णिक्खमिज वा गामाणुगामं दूइज्जिज्जा ॥५५९ ॥ से भिक्खू वा (२) से जाइं पुण कुलाई जाणिज्जा, तंजहा-खत्तियाण वा, राईण वा, कुराईण वा, रायपेसियाण वा, रायवंसठियाण वा अंतो वा वहि वा संणिविठ्ठाण वा, गच्छंताण वा णिमंतेमाणाण वा अणिमंतेमाणाण वा असणं वा (४) लामे संते णो पडिगाहिज्जा त्ति बेमि ॥ ५६० ॥ तइओदेसो समत्तों ॥
