________________
२ सु० अ० ४-उ० २]
सुत्तागमे
पेहाए एवं वएजा, तंजहा-आरंभकडे त्ति वा सावजकडे त्ति वा पयत्तकडेत्ति वा भयं भद्दए त्ति वा ऊसद ऊसढे त्ति वा रसियं रसिए त्ति वा मणुण्णं मणुण्णे त्ति वा एयप्पगारं भासं असावजं जाव भासेजा ॥ ७८७ ॥ से भिक्खू वा (२) मणुस्सं वा गोणं वा महिसं वा मिगं वा पसु वा पक्खि वा सरीसिवं वा जलयरं वा से तं परिवूढकायं पेहाए गो एवं वएजा थूलेइ वा पमेइलेइ वा चढेइ वा वज्झे इ वा पाइमे इ वा एयप्पगारं भासं सावजं जाव णो भासिज्जा ॥ ७८८ ।। से भिक्खू वा (२) मणुस्सं जाव जलयरं वा से तं परिवूढकायं पेहाए एवं वएजा, परिवूढकाएत्ति वा, उवचियकाए त्ति वा थिरसंघयणेत्ति वा उवचियमंससोणिएत्ति वा बहुपडिपुण्णइंदिएत्ति वा एयप्पगारं भासं असावजं जाव भासिज्जा ॥ ७८९ ॥ से भिक्खू वा (२) विरूवरूवाओ गाओ पेहाए णो एवं वएजा, तंजहा-गाओ दोज्झाओ त्ति वा दम्मेत्ति वा गोरहत्ति वा वाहिमत्ति वा रहजोग्गत्ति वा एयप्पगारं भासं सावज जाव णो भासिज्जा ॥ ७९० ॥ से भिक्खू वा (२) विरूवरुवाओ गाओ पेहाए एवं वएजा तंजहा-जुवंगवेत्ति वा घेणु त्ति वा रसवइ त्ति वा हस्से इ वा महल्लए इ वा महव्वए इ वा संवहणि त्ति वा एयप्पगारं भासं असावजं जाव अभिकंख भासिज्जा ॥ ७९१ ॥ से भिक्खू वा (२) तहेव गंतुमुजाणाई पन्वयाई वणाणि वा रुक्खा महल्ला पेहाए णो एवं वएजा, तंजहा-पासायजोग्गा ति वा तोरणजोग्गाति वा गिहजोग्गा इ वा फलिहजोग्गाइ वा अग्गल-नावा-उदगदोणि-पीढ-चंगबेर-णंगल-कुलिय-जंतलठ्ठीणाभि-गंडी-आसण-सयण-जाण-उवस्सय-जोग्गा इ वा, एयप्पगारं भासं सावजं जाव णो भासिजा ॥ ७९२ ॥ से भिक्खू वा (२) तहेव गंतुमुज्जाणाइं पन्चयाणि वणाणि य रुक्खा महल्ला पेहाए एवं वएज्जा, तंजहा-जातिमंता इ वा दीहवट्टा इ वा महालया इ वा पयायसाला इ वा विडिमसाला इ वा पासाइया इ वा जाव पडिरूवा इ वा एयप्पगारं भासं असावजं जाव अभिकंख भासिज्जा ॥ ७९३ ॥ से भिक्खू वा (२) वहुसंभूया वणफला पेहाए तहावि ते णो एवं वएज्जा तंजहा-पक्का ति वा पायक्खज्जाइ वा वेलोइयाति वा टालाइ वा वेहिया इ वा एयप्पगारं भासं सावजं जाव णो भासिज्जा ॥ ७९४ ॥ से भिक्खू वा (२) बहुसंभूयाफला अंवा पेहाए एवं वएजा, तंजहा-असंथडा इ वा वहुणिवटिमफला इ वा बहुसंभूया इ वा भूयरूवित्ति वा एयप्पगारं भासं असावज जाव भासेज्जा ॥ ७९५॥ से भिक्खू वा (२) बहुसंभूयाओ ओसहीओ पेहाए तहावि ताओ णो एवं वएज्जा, तंजहा-पक्का इ वा नीलिया इ वा छवीड वा
