________________
सुत्तागमे
[आयारे
तहमा का ॥ ५ महिए, जाब आउभा देण पर
गइआ पाहुडिया उक्खित्तपुव्वा भवइ एवं णिक्खित्तपुव्वा भवइ परिभाइयपुव्वा भवइ परिभुत्तपुव्वा भवइ परिठवियपुव्वा भवइ एवं वियागरेमाणे समियाए वियागरेति ? हंता भवइ ॥ ६८० ॥ से भिक्खू वा (२) से जं पुण उवस्सयं जाणिज्जा खुडियाओ खुडदुवारियाओ नीयाओ संनिरुद्धाओ भवंति, तहप्पगारे उवस्सए राओ वा विआले वा णिक्खममाणे वा पविसमाणे वा पुरा हत्थेण वा पच्छा पाएण वा तओ संजयामेव णिक्खमेज वा पविसेज वा, केवली वूया, 'आयाणमेयं' जे तत्थ समणाण वा माहणाण वा छत्तए वा मत्तए वा दडए वा लठुिआ वा भिसिया वा नालिया वा चेले वा चिलिमिली वा चम्मए वा चम्सकोसए वा चम्मछेदणए वा दुब्बद्धे दुण्णिक्खित्ते अणिकंपे चलाचले भिक्खू य राओ वा वियाले वा 'णिक्खममाणे वा पविसमाणे वा पयलिज्ज वा पवडेज वा, से तत्थ पयलेमाणे वा पवडेमाणे वा, हत्थं वा पायं वा जाव इंदियजायं वा लूसेज वा, पाणाणि जाव सत्ताणि वा, अभिहणेज वा जाव ववरोवेज वा, अह भिक्खूणं पुव्वोचदिठ्ठा जाव जं तहप्पगारे उवस्सए पुरा हत्थेणं पच्छा पाएणं तओ संजयामेव णिक्खमेज वा पविसेज वा ॥ ६८१ ॥ से आगंतारेसु वा अणुवीइ उवस्लयं जाएजा, जे तत्थ ईसरे जे तत्थ समहिठ्ठाए, ते उवस्लयं अणुण्णवेजा, कामं खलु आउसो अहालंदं अहापरिण्णातं वसिस्सामो जाव आउसंतो जाव आउसंतस्स उवस्सए जाव साहम्मियाए तओ उवस्सयं गिहिस्सामो तेण परं विहरिस्सामो ॥६८२॥ से भिक्खू वा (२) जस्लुवस्सए संवसिजा तस्स णामगोयं पुवामेव जाणिज्जा तओ पच्छा तस्स गिहे णिमंतेमाणस्स अणिमंतेमाणस्स वा असणं वा (४) अफासुयं जाव णो पडिग्गाहिजा ॥ ६८३ ॥ से भिक्खू वा (२) से जं पुण उवस्सयं जाणिज्जा ससागारियं सागणियं सउदयं णो पण्णस्स निक्खमणपवेसणाए, णो पण्णस्स वायण जाव चिताए, तहप्पगारे उवस्सए णो ठाणं वा सेजं वा निसीहियं वा चेतेजा ॥ ६८४ ॥ से भिक्खू वा (२) से जं पुण उवस्सयं जाणिज्जा गाहावइकुलस्स मज्झं मज्झेणं गंतुं पंथए पएपएपडिबद्धं णो पण्णस्स णिक्खमण जाव चिंताए तहप्पगारे उवस्सए णो ठाणं वा सेज वा णिसीहियं वा चेतेजा ॥ ६८५ ॥ से भिक्खू वा (२) से जं पुण उवस्सयं जाणिज्जा इह खलु गाहावइ वा जाव क्रम्मकरीओ वा अण्णमण्णमकोसंति वा जाव उद्दवेंति वा गो पण्यम्स जाव चिंताए सेवं णचा तहप्पगारे उवस्सए णो ठाणं वा जाव चेतेजा ॥ ६८६॥ से भिक्खू वा (२) से जं पुण उवस्सयं जाणिजा इह खलु गाहावई या जाव कम्मकरीओ वा अण्णमण्णस्स गायं तेल्लेण वा घएण वा अभंगेति वा
