________________
२ सु० अ० २-उ० ३ ]
सुत्तागमे
मक्खेति वा णो पण्णस्स जाव चिंताए, तहप्पगारे उवस्सए णो ठाणं वा जाव चेतेजा ॥ ६८७ ॥ से भिक्खू वा ( २ ) से जं पुण उवस्सयं जाणिजा, इह खलु गाहावइ वा जाव कम्मकरीओ वा, अण्णमण्णस्स गायं सिणाणेण वा ककेण वा लोहेण वा वण्णेण वा चुण्णेण वा परमेण वा, आघंसंति वा पघंसंति वा उव्वलंत वा उव्वहिंति वा णो पण्णस्स णिक्खमण जाव चिताए तहप्पगारे उवस्सए णो ठाणं वा जाव चेतेजा || ६८८ ॥ से भिक्खू वा ( २ ) से जं पुण उवस्सयं जाणिजा इह खलु गाहावइ वा जाव कम्मकरीओ वा अण्णमण्णस्स गायं सीओद - गवियडेण वा उसिणोदगवियडेण वा, उच्छोलंति वा पधोवेंति वा सिचंति वा सिणावेंति वा णो पण्णस्स जाव णो ठाणं वा जाव चेतेजा ॥ ६८९ ॥ से भिक्खू वा ( २ ) से जं पुण उवस्सयं जाणिजा, इह खलु गाहावइ वा जाव कम्मकरीओ वा णिगिणा ठिआ णिगिणा उल्लीणा मेहुणधम्मं विष्णवेंति रहस्सियं वा मंतं मंतेंति णो पण्णस्स जाव णो ठाणं वा जाव चेतेजा ॥ ६९० ॥ से भिक्खू वा ( २ ) से जं पुण उवस्सयं जाणिज्जा आइण्णसंलिक्खं णो पण्णस्स जाव चिंताए जाव णो ठाणं वा सेजं वा निसीहियं वा चेतेजा ॥ ६९१ ॥ से भिक्खु वा ( २ ) अभिकं खेजा संथारं एसित्तए ॥ ६९२ ॥ से जं पुण संथारयं जाणिज्जा सअंडं जाव ससंताणगं तहप्पगारं संथारगं लाभे संते णो पडिगाहिज्जा ॥ ६९३ ॥ से भिक्खू वा (२) से जं पुण संथारयं जाणिजा अप्पंडं जाव संताणगं गरुयं तहप्पगारं लाभे संते णो पडिगाहिजा ॥ ६९४ ॥ से भिक्खू वा ( २ ) से जं पुण संथारगं जाणिजा, अप्पंडं जाव संताणगं लहुयं अपाडिहारियं तहप्पगारं सेजा संथारयं ला संते णो पडिगाहिजा ॥ ६९५ ॥ से भिक्खू वा ( २ ) से जं पुण संथारगं जाणिजा, अप्पंडं जाव संताणगं लहुयं पाडिहारियं णो अहावद्धं तहप्पगारं लामे संते णो पडिगाहिजा ॥ ६९६ ॥ से भिक्खु वा ( २ ) से जं पुण संथारयं जाणिज्जा अप्पंडं जाव संताणगं लहुयं पाडिहारियं अहावद्धं तहप्पगारं संथारयं जाव लाभे संते पडिगाहिजा ॥ ६९७ ॥ इच्चेयाई आयतणाई उवाइकम्म अह भिक्खु जाणिजा इमाहिं चउहिं पडिमाहिं संथारगं एसित्तए तत्थ खलु इमा पढमा पडिमा से भिक्खू वा ( २ ) उद्दिसिय उद्दिसिय संथारगं जाएजा तंजहा - इकडं वा कढिणं वा जंतुयं वा परगं वा मोरगं वा तणं वा सोरगं वा कुरूं वा कुन्वगं वा पव्वगं वा पिप्पलगं वा पलालगं वा से पुव्वामेव आलोएजा आउसो त्ति वा भगिणी त्ति वा दाहिसि मे एत्तो अण्णयरं सेथारगं ? तहप्पगारं सयं वा णं जाएजा परो वा से देना फासुयं एसणिजं लाभे संते पडिगाहिजा पढमा पडिमा
५७
