________________
सुत्तागमे
[मायारे
वा (४) चेइस्सामो एयप्पगारं णिग्धोसं सोचा णिसम्म तहप्पगारं असणं वा (४) अफासुयं अणेसणिजं लाभे संते णो पडिगाहिजा ॥ ६१६ ॥ से भिक्खू वा (२) जाव समाणे वसमाणे वा गामाणुगाम दूइज्जमाणे से जं पुण जाणिज्जा, गामं वा जाव रायहागि वा, इमंसि खलु गामंसि वा जाव रायहाणिसि वा संतेगइयस्स भिक्खुस्स पुरे संथुया वा पच्छासंथुया वा परिवसंति, तंजहा-गाहावइ वा जाव कम्मकरी वा तहप्पगाराई कुलाई णो पुव्वामेव भत्ताए वा पाणाए वा णिक्खमेज वा पविसेज वा, केवली वूया, 'आयाणमेयं' । पुरा पेहाए तस्स परो अट्टाए असणं वा (४) उवकरेज वा, उवक्खडेज वा, अह भिक्खूगं पुव्वोवदिट्टा (४) जंणो तहप्पगाराइं कुलाई पुव्वामेव भत्ताए वा पाणाए वा पविसेज वा णिक्खमेज वा । से तमायाय एगंतमवक्कमिज्जा अणावायमसंलोए चिटेजा, से तत्थ कालेगं अणुपविसिज्जा (२) तत्थियरेयरेहिं कुलेहिं सामुदाणियं एसियं वेसियं पिडवायं एसित्ता आहारं आहारिजा ॥ ६१७ ॥ सिया से परो कालेण अणुपविठ्ठस्स आहाकम्मियं असणं वा (४) उवकरेज वा उवक्खडेज वा, तं चेगइओ तूसणीओ उवेहेजा, 'आहडमेव पञ्चाइक्खिस्सामि' माइछाणं संफासे, णो एवं करेजा, से पुवामेव आलोएजा 'आउसो त्ति वा भगिगि त्ति वा, णो खलु मे कप्पइ आहाकम्मियं असणं वा (४) भोत्तए वा पायए वा । मा उवकरेहि, मा उवक्खडेहि, से सेवं वयंतस्स परो आहाकम्मियं असणं वा (४) उवक्खडावित्ता आहट्ट दलएज्जा, तहप्पगारं असणं वा (४) अफासुयं लाभे संते णो पडिगाहिजा ॥ ६१८ ॥ से भिक्खू वा (२) जाव समाणे से जं पुण जाणिज्जा, असणं वा ४ आएसाए उवक्खडिजमाणं पेहाए णो खद्धं २ उवसंकमित्तु ओभासेज्जा णन्नत्थ गिलाणणीसाए ॥६१९॥ से भिक्खू वा जाव समाणे अण्णतरं भोयणजायं पडिगाहित्ता सुभि सुब्भि भोच्चा दुभि दुभि परिट्ठवेइ, माइट्टागं संफासे, णो एवं करेजा, सुभि वा दुभि वा सव्वं भुंजे न छड्डए ॥ ६२० ॥ से भिक्खू वा (२) जाव समाणे अण्णतरं वा पाणयजायं पडिगाहित्ता पुप्फ २ आसाइत्ता कसायं २ परिवेइ, माइट्टाणं संफासे णो एवं करिजा, पुप्फ पुप्फेति वा कसायं कसाएत्ति वा सव्वमेयं भुंजिजाणो किंचिवि परिट्ठवेजा ॥६२१॥ से भिक्खू वा (२) बहुपरियावणं भोयणजायं पडिगाहित्ता बहवे साहम्मिया तत्थ वसंति संभोइया, समणुण्णा अपरिहारिया, अदूरगया तेसि अणालोइया अणामंतिय परिहवेइ, माइठ्ठाणं संफासे णो एवं करेजा से तमादाय तत्थ गच्छेजा (२) से पुवामेव आलोएजा, “आउसंतो समणा इमे मे असणं वा (४) बहुपरियावण्ण, तं भुंजह च णं" से सेवं वयं परो वएजा “आउसंतो समणा आहारमेयं असणं वा
