________________
धारवाडमां प्रतिष्टा-महोत्सवनी धामधूम, अजोड संप.
५१
बेलगाम, नवगुद, अनगिरि विगेरे स्थळेथी तथा मारवाडथी पण श्रावक-गृहस्थो मोटी संख्यामां आवी पहोंच्या. आसपासना शहेरो तथा गामडाओना पधारेला हजारो जैन भाईंओ उपरांत वराड तथा मारवाड आदि दूर प्रांतोथी पण एक हजार प्रतिनिधि-महाशयो आ महोत्सवमां आव्या हता. प्रतिष्ठा-महोत्सव तथा दीक्षा-महोत्सव प्रसंगनी शोभा-वृद्धि माटे सुप्रसिद्ध गवर्नमेंट बेंड संपूर्ण साज साथे हाजर राखवामां आव्युं हतुं. यति-समुदाय पण ठीक-ठीक संख्यामां उपस्थित हतो.
अजोड संप. महा वदि ११ सोमवारथी वाजिंत्रोना गंभीर गडगडाट वच्चे प्रतिष्ठा-महोत्सवनो प्रारंभ थयो. आज-काल श्वेतांबरो अने दिगंबरोना झघडा ठेक-ठेकाणे लागी रह्या छे; परंतु परमात्माना अतिशयथी, शासनदेवनी कृपाथी, अने महात्मा मुनिवर्यना पुण्य-प्रभावथी आ ठेकाणे ए कुसंप अदृश्य थइ गयो हतो. एटलुंज नहिं, पण आ समये दिगंबर भाईओए आ महोत्सवमा संपूर्ण भाग लीधो हतो. अने तेमणे देशदेशांतरना एकठा थयेला हजारो जैनोने आ अजोड-संपर्नु ज्वलंत दृष्टांत आप्युं हतुं. श्वेतांबर अने दिगंबर, जैन-शासनना बन्ने महान् समुदायना लोको कोई पण प्रकारनो भेदभाव राख्या विना एकठा थइ आ मांगलिक कार्यमा सामेल थया हता.
