________________
૬૦
પૂજ્ય શ્રી ચિદાનંદજી મહારાજશ્રી કૃત વાળા શરીરને પણ કોઈ સંઘરતું નથી અને મોહથી કદાચ રાખી મૂકે તો પણ સડી જાય. દુર્ગધ મારે અને કોવાઈ જાય અર્થાત્ જીવ વિનાના શરીરની કોઈ કિંમત નહિ માટે હે જીવ! તું આ પુદ્ગલ ઉપરનો રાગ (મોહ) ત્યજી દે. આ પ્રમાણે સમ્યજ્ઞાન હૈયામાં ધારણ કરીને હે મિત્ર! શરીરનું કે રૂપનું અભિમાન ક્યારેય કરવું નહીં પુદ્ગલનો સ્વભાવ જ અસ્થિર છે એમ જાણીને અનાદિ કાળની લાગેલી મોહદશાનો હે જીવ! તું ત્યાગ કર. ૮૩-૮૪ પરમાતમથી મોહનિરંતર, લાવો ત્રિકરણ શુદ્ધા પાવો ગુરુતમ જ્ઞાન સુધારસ, પૂરવ પર અવિરુદ્ધ ટપાસતો જ્ઞાન ભાનુ પૂરણ ઘટ અંતર, થયા જિહાં પરકાશી મોહ નીશાચર તાસ તેજ દેખ, નાઠ થઈ ઉદાસાl૮૬ોસંતો
ગાથાર્થઃ વીતરાગ પરમાત્માની સાથે ત્રણે કરણે કરીને શુદ્ધ થઈને નિરંતર પ્રેમ પ્રાપ્ત કરો કે જેનાથી પૂર્વાપર અવિરૂદ્ધ એવું સમ્યગૂ જે જ્ઞાન છે તે રૂપી અમૃતરસ તમે પ્રાપ્ત કરો તથા જ્ઞાન રૂપી સૂર્યના કિરણોથી જ્યારે આ આત્મા રૂપી ઘટમાં પ્રકાશ થશે ત્યારે મોહ રૂપી જે રાક્ષસ છે. તે તેનું (સમ્યજ્ઞાનનું) તેજ દેખીને ઉદાસ થઈને ભાગી જશે. ૮૫-૮૬ll
વિવેચનઃ અનંત ઉપકાર કરનારા વીતરાગ પરમાત્મા મહાપુણ્યોદયે પ્રાપ્ત થયા છે. તેથી મન-વચન અને કાયા એમ ત્રિકરણ કરીને અત્યંત શુદ્ધ થઈને જરા પણ મલીનતા હોય તો તેનો ત્યાગ કરીને એવો પ્રેમ કરો. અર્થાત્ વીતરાગ પરમાત્મા ઉપર અત્યંત હાર્દિક પ્રેમ કરો કે જેનાથી પૂર્વાપર (આગળ-પાછળ સર્વથા) અવિરૂદ્ધ એવું સમ્યજ્ઞાન ઝળહળી ઉઠે. આવા જ્ઞાન રૂપી અમૃત રસની પ્રાપ્તિ થાય. વીતરાગ પરમાત્માનું શાસન સમ્યજ્ઞાન આપનારું છે. તે માટે તેની જ સાધના હે જીવ! તું કર, તે જ તારો ઉપકાર કરનાર છે-તે જ તારનાર છે.
