________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
३३३
प्रश्नव्याकरणदो य आयवनिद्धमउय-लीय उसिणलहुया य जे उउसुहफासा अंगसुहनिव्बुइकरा ते, अन्नेसु य एवमाइएसु फासेसु मणुन्नभदएसु न तेसु समणेण सज्जियव्वं,न रज्जियवं, न गिज्झियवं, न मुज्झियव्वं, न विणिघाय आवज्जियवं, न लुभिः यवं, न अज्झोववज्जियवं, न तूसियनं, न हसियव्वं, न सई च मइं च तत्थकुज्जा । पुणरवि फासिदिएण फासिय फासाइं अमणुन्नपावगाई, किं ते ? अणेगवहबंध-तालणंकण अइभारारोवण-अंगभंजण-सुईनखप्पवेस-गायपच्छणलक्खारसखारतेल्लकलकलंत--तउसीसककाललोह-सिंचणहडिबंधण रज्जुनिगल-संकलन हत्थंडुयकुंभिपाकदहण-सीहपुच्छण-सूलभेय--गयचलणमलण-करचरणकन्ननासोट्ठसीसछेयण-जिन्भच्छेयण-वसणनयण हिययदंतभंजण-जोत्तलयकसप्पहारपादपण्हिजाणुपत्थरनिवायपीलणक -- विकच्छुअगणि विच्छुयडक्वायायवदंसमसगनिवाए दुणिसज्जदुन्निहिया कक्खड-गुरुसीयउसिणलुक्खेसु बहुविहेसु अन्नेसु य एवमाइएसु फासेसु अमणुन्न पावगेसु न तेसु समणेण रूसियव्वं, न हीलि. यत्वं, न निंदियव्यं, न गरहियवं, न खिसियवं, न छिंदियन्वं, न भिंदियव्वं, न वहेयव्वं, न दुगुंछावत्तियाविलब्भा उप्पाएउं एवं फासिदियभावणाभाविओ भवइ अंतरप्पा मणुन्नामणुन्नसुन्भिदुभिरागदोसपणिहियप्पा साहू मयवयणकायगुत्ते संवुडे पणिहिइंदिए चरेज धम्मं ॥ सू० ११ ॥
For Private And Personal Use Only
