________________
ભાખરીનો સ્વાદ
૨૨૫ મેં કહ્યું, “ખવડાવવાનું મન થાય એવો સરસ કૂતરો છે. એની હિલચાલ પરથી અને આતુર આંખોના ભાવ પરથી લાગે છે કે તે આપણી પાસે કશુંક ખાવા આવ્યો છે. પરંતુ આપણાથી એમ અહીં યુરોપમાં કોઈના કૂતરાને ખવડાવાય નહિ. યુરોપમાં માણસો આવી બાબતમાં બહુ ચીકણા હોય છે. આપણી વાનગી કૂતરાને કદાચ માફક ન આવે. એથી કૂતરો રખે ને માંદો પણ પડી જાય. યુરોપ-અમેરિકામાં માણસો આવી બાબતમાં તરત નુકસાનીનો દાવો માંડતા હોય છે. વળી આ લોકો હાથ દ્વારા જંતુઓ લાગી ન જાય તે માટે બહુ સજાગ હોય છે. એટલે આપણા હાથની બનાવેલી વાનગી આ લોકો ન ખાય અને પોતાના કૂતરાને પણ ન ખાવા દે.”
એટલી વારમાં માલિકે પોતાના કૂતરાને બૂમ મારીને બોલાવી લીધો. કૂતરો ગયો, પરંતુ તરત જ પાછો આવીને અમારી પાસે ઊભો રહ્યો. અમારી દીકરીએ કહ્યું, “પપ્પા, આપણે એ લોકોની રજા લઈને કૂતરાને ખવડાવીએ તો કેમ ?”
પૂછી જોઈએ, જો તેઓ ઇંગ્લિશ બોલતાં હોય તો.”
દરમિયાન કૂતરાને બોલાવવા માટે તે દંપતીએ બે-ત્રણ વાર બૂમ પાડી, પણ કૂતરો અમારી પાસેથી ખસ્યો નહિ. એટલે પતિ-પત્ની બંને અમારી પાસે આવીને ઊભા રહ્યાં. તેમની પાછળ તેમનાં બાળકો પણ દોડી આવ્યાં. પતિ-પત્ની કામચલાઉ અંગ્રેજી જાણે છે અને ઓસ્ટ્રેલિયાના વતની છે એ તેમની વાત પરથી જાણ્યું.
મેં તેમને કહ્યું, “અમે ભારતથી આવીએ છીએ. અમે અમારી ભારતીય વાનગી હાથે બનાવીને ખાધી.” પછી ભાખરી બતાવીને મેં કહ્યું, “આ અમારાં ઇન્ડિયન બિસ્કિટ છે. તમને વાંધો ન હોય તો અમે તમારા કૂતરાને ખવડાવીએ. તમે પણ ટેસ્ટ કરી શકો છો.”
તેમના હાવભાવ પરથી લાગ્યું કે તેઓ દ્વિધામાં છે. કદાચ અમારી વાત પૂરી ન પણ સમજ્યાં હોય. એટલામાં અમારી દીકરીએ એક ભાખરી કૂતરાના મોઢા પાસે નીચે ઘાસમાં નાખી. કૂતરાએ તે ભાખરી ઝડપથી મોઢામાં પકડી લીધી. ત્યાં તો પેલાં બંને બાળકોએ તે ભાખરી કૂતરાના મોઢામાંથી ખેંચી લીધી અને ખાવા લાગ્યાં. પોતાને કોઈ નવી સરસ વાનગી ખાવા મળી હોય તેવો ભાવ બાળકોએ ચહેરા પર પ્રગટ કર્યો. પોતાની મમ્મીને ટુકડો આપ્યો. મમ્મીએ ભાખરી ચાખી અને તેને પણ ભાવી.
દરમિયાન અમારી દીકરીએ બીજી ભાખરી કૂતરાને નાંખી, પરંતુ
પા-૧૫
Jain Education International
For Private & Personal Use Only
www.jainelibrary.org
