________________
પૂજ્ય શ્રી લલ્લુજી મુનિ
વ્યાખ્યા સામે છે, તેની મિથ્યા સમજણ સામે છે. મૂળ માર્ગનો વિરોધ નથી, હોઈ પણ ન શકે. વિરોધ માત્ર સાધનાના એ બાહ્ય કલેવરનો છે કે જે જડતા લાવતું હોય.
દેશ-કાળ સાથે અભિવ્યક્તિ બદલાયા
દેશ-કાળ બદલાતાં સાધનાના બાહ્ય સ્વરૂપમાં ફેરફાર થવો જ જોઈએ તો જ સાધના ચેતનવંતી રહે, ગતિમાન રહે. જૂની યુક્તિમાં સત્ય હોવા છતાં પણ નવીન સમસ્યા માટે એ યુક્તિ અનુકૂળ ન પણ રહે. અને એમ બને તો તેનો આગ્રહ છોડી તેના બાહ્ય સ્વરૂપમાં ફેરફાર થવો જ જોઈએ.
એક વૃદ્ધ મરણપથારીએ પડ્યો હતો. તેને પાંચ પુત્રો હતા અને તેઓ હંમેશ પરસ્પર ઝઘડતા રહેતા. વૃદ્ધને ચિંતા હતી કે પોતાની પાછળ આ લોકો કઈ રીતે સાથે રહી ધંધો ચલાવશે. તેથી તેણે પુત્રોને બોધ આપવા એક યુક્તિ કરી.
કુટુંબમાં બધાને ભેગાં કરી તેણે પુત્રોને પાંચ લાકડી લાવવા કહ્યું. પછી તે લાકડીઓને બાંધી દઈ એ ભારાને તોડવા પુત્રોને કહ્યું. બધાએ એક પછી એક પ્રયત્ન કર્યો પણ કોઈથી ભારો તૂટ્યો નહીં. પછી દોરી છોડી નાંખી દરેક પુત્રને એક એક લાકડી આપી તે તોડવા કહ્યું. આ વખતે બધા પોતપોતાની લાકડી તરત જ તોડી શક્યા.
આ પ્રયોગથી તે વૃદ્ધ પુત્રોને મોઘમ બોધ આપ્યો કે જો
૧૧૯
