________________
વર્ણન કરી અધ્યાત્મ રૂચિ સંપન્ન આત્માઓને આ ગ્રંથ આત્માનંદદાયી બનો એવી ભવ્ય ભાવના સાથે તેઓ શ્રીમદે આ મહાગ્રંથનો ઉપસંહાર કર્યો છે. -
-ગ્રંથકાર મહર્ષિ શ્રી મહોપાધ્યાયજી
શ્રી તીર્થકર ભગવંતોની વાણી સાક્ષાત્ આગમોમાં ગુંથાયેલી છે. અધ્યાત્મરસથી છલોછલ આ અધ્યાત્મસાર ગ્રંથ ભલે આગમ ગ્રંથ નથી પણ પ્રભુની વાણીના એક એક રહસ્યોને સમજાવતો જિનવચનનો પરમાર્થ બોધક આ ગ્રંથ મહોપાધ્યાયજીની એક અમરકૃતિ છે. તે માટે જ પ્રત્યેક સાધક કે જિજ્ઞાસુ માટે આ ગ્રંથનું અવગાહન અનિવાર્ય છે. ઐતિહાસિક દૃષ્ટિએ આશરે ૩૫૦ વર્ષ પૂર્વે થયેલા મહામહોપાધ્યાય શ્રી યશોવિજયજી મહારાજા જગદ્ગુરૂ હિરસૂરીશ્વર મહારાજાના ગચ્છગગનમાં સૂર્ય સમાન હતા. જગદ્ગુરૂપૂજ્યશ્રીના ૨૦૦૦ જેટલા વિરાટ શ્રમણ વૃદમાં અનેક વિદ્વાન મહાત્માઓ હતા, પરંતુ પૂજ્ય ઉપાધ્યાયજી મહારાજ સૌમાં અજોડ કક્ષાના હતા. એમ કહી શકાય કે આટલું અદ્ભૂત શાસ્ત્રજ્ઞાન ધરાવનાર અને તેની અભિવ્યક્તિ કરનાર તેમના પછી કોઇ થયું નથી. આજે પૂર્વાચાર્યો રચિત ઉપલબ્ધ ગ્રંથ સંખ્યામાં સૌથી વધારે લગભગ ૩૫૦ જેટલા એમના ગ્રંથો ઉપલબ્ધ હશે.
