Jivan Vaibhav

Author(s): Vachaspativijay
Publisher: Nandan Nandan Sahitya Prakashan Samiti

Page 7

કાશકીય પૂજયપાદ શાસન સમ્રાટુ તપાગચ્છાધિપતિ અનેક તીર્થોધ્ધારક આચાર્ય મહારાજાધિરાજ શ્રીમવિજયનેમિસૂરીશ્વરજી મહારાજશ્રી વીસમી સદીના મહાન સમર્થ જયોતિર્ધર પુરુષ થઈ ગયા.
વિ.સં. ૧૯૨૯માં સૌરાષ્ટ્રના કાશ્મીર તરીકે પ્રસિધ્ધ મહુવા શહેરમાં જન્મ ધારણ કરનાર આ મહાપુરુષે ૧૬ વર્ષની ઉંમરે ભાવનગરમાં પૂજયપાદ શાન્તમૂર્તિ ગુરુમહારાજશ્રી વૃધ્ધિચંદ્રજી મહારાજના વરદ હસ્તે વિ. સં. ૧૯૪૫માં સંયમ સ્વીકારી સંયમના કડકપાલન પૂર્વક અનેક શાસ્ત્રોનું ગહન અધ્યયન કરી ગણિપચાસ પદ પ્રાપ્ત કરી વિ.સં. ૧૯૬૪માં ભાવનગર શહેરમાં ગીતાર્થ શિરોમણિ પૂજયપાદ પંન્યાસજી શ્રી ગંભીરવિજયજી મ. ના વરદહસ્તે આચાર્ય પદવીથી અલંકૃત થઈ જૈન શાસનની મહાન પ્રભાવના કરી. ૫૦ વર્ષ જેવા દીર્ધકાળ પર્યત જૈનશાસનનું આધિપત્ય ભોગવનાર તેઓશ્રીની છાપામાં જૈન શાસનના સાતે અંગો ફૂલ્યા ફાલ્યા અને પર્યાપ્તપણે પ્રગતિના શિખરે પહોંચ્યા.
“શાસન સમ્રાટ'' ગ્રંથમાં પૂ. મુનિ શ્રી શીતવિજયજી મહારાજ (હાલ આચાર્યશ્રી વિજય શીલ ચન્દ્રસૂરિજી) એ તથા નેમિ સૌરભ ભા... ૧-૨ માં પૂ. પ્રવર્તક મુનિરાજ શ્રી નિરંજન વિજયજી મહારાજે પૂજયપાદ શાસન સમ્રાટશ્રીના જીવનચરિત્રને વિસ્તાર પૂર્વક વર્ણવેલ હોવા છતાં કેટલાક પ્રસંગો આલેખવા જેવા લાગવાથી પૂ. મુનિરાજશ્રી વાચસ્પતિ વિજયજી મહારાજે સાદી સરળ ભાષામાં લખ્યા છે. લખેલા એ પ્રસંગોના પુસ્તકને “જીવન વૈભવ” ના નામે વાચકોના કરકમલમાં અર્પણ કરતાં અમે આનન્દ અનુભવીએ છીએ. પ્રૌઢ પ્રતિભાશાલી એ મહાપુરુષના જીવનમાં બનેલા છે તે પ્રસંગોમાંથી પ્રેરણા મેળવી સૌ કોઈ પોતાના જીવનને ગુણસંપન્ન બનાવે એજ શુભાભિલાષા