________________
દિ ઉપરા ઉપરી ટેલીગ્રામોનો (જુદા જુદા નામે) વરસાદ વરસાવી દીધો. પોલીટિકલ એજન્ટ તરફથી તપાસ ચાલી. બાપુ ગભરાણા. એટલે ભૂલચૂકે પેઢી પણ ભાઈચંદને રાજકોટ લઈ જઈ પુરાવારૂપે પોલીટિકલ એજન્ટ સમક્ષ હાજર કરે તો આવી બને. એટલે એ ભાઈચંદને રાજકોટ ન લઈ જવાય અને પાલીતાણાની બહાર પણ એને ન લઈ જવાય એને માટે એના પહેરા માટે બે પટાવાળાને રાખેલા. ભાઈચંદભાઈ તો રોજ પૂ.શ્રીને વંદન કરવા હવેલીએ અચૂક આવે. પટાવાળા પણ એની પાછળ પાછળ આવે. ભાઈચંદભાઈ હવેલીમાં દાખલ થાય અને પટાવાળાઓ હવેલીના દરવાજે ઓટા ઉપર બેસી રહે. આમ રોજનો ક્રમ રહેતો. પૂ.શ્રી અને પેઢીએ પાંચ-છ દિવસ જવા દીધા. બધું ઠંડુ પડી ગયું અને છૂપી ગોઠવણ કરી. ભાઈચંદ હવેલીમાં વંદનાર્થે દાખલ થયા અને હવેલીના પાછળના ભાગમાં પેઢી તરફથી ખાનગી મોટર આવી ઊભી. ભાઈચંદને બારીમાંથી નીસરણી મૂકી પાછળ ઉતારી મોટરમાં બેસાડી રવાના કરી દીધા. સાથે પેઢીના મુનીમસાહેબ હરીભાઈ ગયા. હરીભાઈ ઘણા બાહોશ હતા. મોટર મારી મૂકી સોનગઢના રસ્તે. પટાવાળો તો ઓટે બેસી બીડીઓ પીતો રહ્યો, અર્ધો પોણો કલાક થયો અને ભાઈચંદભાઈ બહાર ન આવ્યા એટલે એ અંદર તપાસ કરવા ગયો. પણ ભાઈચંદભાઈ ન દેખાણા. પટાવાળાએ પૂ.શ્રીને પૂછયું પણ ખરું ! પૂ.શ્રી એ જણાવ્યું કે ભાઈ જો તપાસ કર. અમોને વંદન કરીને કયારનોય ગયો. પટાવાળાને પાકી ખાત્રી થઈ કે ભાઈચંદ હવેલીમાં નથી, એ ગભરાણો અને સીધો ઉપયો હવામહેલે બાપુને ખબર આપવા ભૈરવનાથની ઘડીયાળ સાડા નવનો ટાઈમ દેખાડતી હતી. હવામહેલ ભૈરવનાથથી લગભગ એક માઈલ - જેટલો દૂર. પટાવાળાને જતાં સહેજે પા કલાક ૨૦ મિનિટ તો થાય છે.
