Jivan Vaibhav

Author(s): Vachaspativijay
Publisher: Nandan Nandan Sahitya Prakashan Samiti

Page 82

સમ્રાટ્ શ્રી મહુવાથી વિહાર કરી માકુભાઇ શેઠની વિનંતિ થી અમદાવાદ તરફ પધારી રહ્યા હતા. રસ્તામાં ધોળકા ગામ આવ્યું. ત્યાં ગામમાં આવેલ દહેરાસરના ભોંયરામાં બિરાજમાન શ્રી કલિકુંડ પાર્શ્વનાથ પરમાત્મા સન્મુખ રોજ એકાદ કલાક જેટલો સમય અપૂર્વ ધ્યાનમાં લીન થતા. આ જોઇ ત્યાંના શ્રાવકોએ આમ કરવા પાછળનું રહસ્ય જણાવવા પૂ. શાસનસમ્રાટ્ શ્રીને વિનંતિ કરતાં પૂ. શાસન સમ્રાટ્ શ્રીએ ગંભીરતા પૂર્વક જણાવ્યું કે આ મહા પ્રભાવિક પાર્શ્વનાથ પ્રભુ પ્રતિમાજી છે. પાર્શ્વનાથ પંચકલ્યાણક પૂજામાં જે આવે છે કે ‘વનહાથીતિહાં એક આવે, જળ સૂંઢ ભરી નવરાવે'' ઇત્યાદિ તેજ આ પ્રતિમાજી મહારાજ છે. ‘‘આ પ્રતિમાજી મહારાજ શ્રી મૂળનાયક થવાપૂર્વક એક મહાતીર્થ સ્વરૂપ ભવિષ્યમાં પૂજાશે. અને આ કાર્ય એક સામાન્ય સાધુના હાથે થશે.'' ઇત્યાદિ આ અગમવાણી અનુસાર વર્તમાન પૂ.આચાર્યશ્રી રાજેન્દ્રસૂરીશ્વરજીના પુનિત હસ્તે થયું. આ ઉદ્ધારના કાર્યારંભ વખતે પૂ. રાજેન્દ્રસૂરીશ્વરજી મહારાજ કોઇ પદવીધારક પણ ન હતા. અને આત્મવિશ્વાસે આ મહાન કાર્યનો આરંભ કરેલ.
પૂ. રાજેન્દ્ર સૂરીશ્વરજી મહારાજશ્રીએ આ અક્ષરશઃ હકીકત ઘણા વર્ષ પૂર્વે એઓશ્રીના ઉપદેશ દ્વારા પ્રકટ થતા ‘‘શાંતિ સૌરભ’’ સામયિકમાં પ્રકટ કરેલ પણ છે.
આ હતી પૂ. શાસન સમ્રાટ્નીની અગમ અપૂર્વવાણી.
૭૧