Jivan Vaibhav

Author(s): Vachaspativijay
Publisher: Nandan Nandan Sahitya Prakashan Samiti

Page 19

જવાબ લઈ ખેપીઓ પાછો આવ્યો અને લાલચે પાછો બાવાજીની પાસે આવી બેઠો બોલ્યો, બાપુ, રામ રામ ! બાવાજી–રામ રામ, બોલો કયા સમાચાર હે? એપીઆએ ખલતામાંથી પરબીડીયું કાઢયું. બાવાજીએ તો દસની નોટ તૈયાર જ રાખી હતી. ધીમેથી એનો હાથમાં સેરવી દીધી. બસ થઈ રહ્યું. બાવાજીએ નિરાંતે પહેલાની જેમ પરબીડીયું ખોલ્યું. એમાં લખેલ કે જો તોફાન થયું હોય તો હમણાં કામ મુલત્વી રાખવું. વાંચી બાવાજીને ટાઢક વળી. પરબીડીયું હતું એમ પાછું પેક કરી દીધું. ખેપી રવાના થયો. બાવાજી લંગોટ બંગોટ ફેંકી હતા એવા કપડા પહેરી આવ્યા પૂ.શ્રી પાસે અને બધોય અહેવાલ આપ્યો. પૂ.શ્રીએ વાંસો થાબડયો, શાબાશી આપી વાહ ગોકળદાસ. બધાયને નિરાંત વળી હાશકારો ખાધો ગામમાં તો સોંપો પડી ગયેલ.
અઠવાડીઆ પછી માનસિંહજી પાલીતાણા આવી ગયા અને તપાસ શરૂ કરી. પૂછપરછમાં ભાઈચંદભાઈની ગંધ આવી. બાપુએ એને પકડી મંગાવ્યો. દમદાટી મારી પણ એ એકનો બે ન જ થયો. બાપુ-એ એમ નહીં માને. મંગાવો ખાણીઓ અને દસ્તો અને એ કમબખત વાણીઆના આંગળા કચરી નાખો એટલે ઝખ મારી બધુંય બોલશે. અને બાપુએ પોતાની નજર સામે જ ભાઈચંદભાઈના હાથ ખાણીઆમાં નખાવ્યા અને હુકમ થતાં જ નોકરે જોર જોરથી દસ્તા ખાણીઆમાં ઝીંક્યા. ભાઈચંદના આંગળા છુંદાઈ ગયા; લોહીલુહાણ થઈ ગયો પણ પૂર્ણ એ વફાદાર રહ્યો પેટનું પાણી ન હાલ્યું તે ન જ હાલ્યું. છેવટ બાપુએ એને છોડી મૂક્યો. પાલિતાણા આખાય ગામમાં બાપુના અત્યાચારની વાત ફેલાણી. લોકોએ બાપુ ઉપર ફિટકાર વરસાવ્યા. - પેઢીએ અને પાલીતાણા મહાજને રાજકોટ પોલીટિકલ એજન્ટ ઉપર