Book Title: Jivan Vaibhav Author(s): Vachaspativijay Publisher: Nandan Nandan Sahitya Prakashan SamitiPage 39
________________ છે. આ સાંભળી અનુભવોના ભંડાર પૂજ્યશ્રી બોલ્યા કે અલ્યા નંદન આ સામૈયું નથી. આ તો તોફાનના બુંગિયાનો ઢોલ છે. ઊભા રહો અને અત્રે બધા ભેગા થઈ જવા દો. પાંચેક મિનિટમાં બધાય સાધુઓ આવી ગયા. એટલે પૂજ્યશ્રી સમુદાય સાથે ગામ તરફ આગળ વધ્યા. ગામના પાદરમાં પહોંચતા સામે ૧૦૦ થી ૧૫૦ માણસોનું મોટું ટોળું હાથમાં ધારીઆ લાકડીઓ લઈને ઘસી આવ્યું. પૂજ્યશ્રી બરાબર મક્કમ થઈને ઉભા રહ્યા. ટોળાએ નજીક આવી મહારાજશ્રીને પડકાર્યા કે શું અમારા ગામમાંથી ભગવાન લેવા આવ્યા છો ? જો ભગવાનને લઈ જવા આગળ વધશો તો લોહી રેડાશે. આ સાંભળી જરાય ડર્યા વગર પૂ.શ્રીએ કહ્યું—અમે તો ભગવાનના ફક્ત દર્શન કરવા માટે જ આવ્યા છીએ. જો દર્શન કરવા દો તો વધુ સારું નહીં તો અહીંથી જ અમો પાછા જઈશું. અમારો એવો કોઈ જ ઈરાદો નથી. તમો કહો તો જૈનોને ઉપદેશ આપી તમારા ગામમાં મંદિર બંધાવી આપીએ. આ સાંભળી પટેલો ઠંડા પડી ગયા અને બધાય એક અવાજે બોલ્યા કે બાપજી દર્શન કરવા હોય તો ભલે પધારો. અમો તમારું ભાવભર્યું સ્વાગત કરીશું. જે લોકો ઢોલનગારા લઈ પૂજ્યશ્રીની ઉપર હુમલો કરવા આવ્યા હતા તે બધાયે એ જ ઢોલ—નગારા–શરણાઈઓ વડે પૂજ્યશ્રી વગરે સર્વે મુનિરાજોનું ઉમળકાભેર સામૈયુ કરી ગામની ધર્મશાળાએ સામૈયા સહિત ગયા. પૂજ્યશ્રીએ હૃદયસ્પર્શી સમયોચિત દેશના ફરમાવી અને બધાય પટેલીયાઓના આગ્રહથી ત્યાં એક દિવસ રોકાયા. પૂજ્યશ્રીએ અમદાવાદના શેઠ કરમચંદ ફૂલચંદના જસીબહેનને ઉપદેશ આપી વામજમાંજ શિખરબંધી સુંદર દેરાસર બંધાવી આપી આદિનાથ પ્રભુની પ્રતિષ્ઠા પણ કરાવી આપી. અનુભવસમ્રાટ્ પૂજ્યશ્રી જયવંતા વર્તો. ૨૮Page Navigation
1 ... 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88