Jivan Vaibhav

Author(s): Vachaspativijay
Publisher: Nandan Nandan Sahitya Prakashan Samiti

Page 70

આગંતુક મારવાડીને મોટા દેરાસર સામેની જૂની ધર્મશાળામાં એક રૂમ આપવામાં આવી. આજ ધર્મશાળામાં એ રૂમની બાજુની રૂમમાં દેરાસરના પૂજારી સંતોકરામ પણ રહેતા હતા. પૂજારી ઘણા જ જૂનાવૃદ્ધ-એને પણ સંતાન વિગેરેનું સુખ હતું. પૂજ્યશ્રીએ સંતોકરામને બોલાવી થોડી ઘણી સૂચનાઓ પણ આપી. એની સાથે સાથે એની પ્રવૃત્તિઓ ઉપર ધ્યાન રાખવા પણ સૂચવ્યું.
આવનાર મુમુક્ષુ પર્વતિથિયે વ્યાખ્યાન સમયે ઉપવાસ આયંબિલ કયારેક છઠ વિગેરેના પચ્ચક્માણ પણ લે. સામાયિક-પ્રતિક્રમણાદિ પણ કરે; પર્યુષણમાં છઠ્ઠ અઠ્ઠમ તપશ્ચર્યાઓ પણ કરી. સંઘના સભ્યો ઉપર એણે ઘણી જ સારી છાપ ઊભી કરી દીધી.
એમ કરતાં ચાતુર્માસ પૂર્ણ થયું.
મહુવા સંઘમાં કસળચંદ કમળશી સાથે કાંઈક મતભેદ હતો એનું નિવારણ પૂજ્યશ્રીએ કર્યું. આ સમાધાન અંગે મોટા દેરાસરની બાજુમાં દાનશાળા નામના સ્થાનમાં બધાય એકઠા થયા હતા. કશળચંદ કમળશી, શાસનસમ્રાટશ્રીના પટ્ટધર પૂ.આચાર્ય વિજયદર્શનસૂરીશ્વરજી મહારાજશ્રીના સંસારી ભાઈ થતા હતા. એ કુલ ચાર ભાઈઓ હતા. સુંદરજીભાઈ (એટલે પૂ. દર્શનસૂરી મહારાજ), બીજા કશળચંદભાઈ, ત્રીજા જીવરાજભાઈ અને ચોથા હેમચંદભાઈ. સંઘ સાથેના વિવાદનું નિરાકરણ થયાની ખુશાલીમાં પૂ.શ્રીના ઉપદેશથી શ્રી ગિરિરાજશ્રીનો છરી પાળતો સંઘ કાઢવાનો એમણે આદેશ માથે લીધો. આમ બધુંય વાતાવરણ ઉલ્લાસમય હતું. અને પૂજ્યશ્રીએ મુમુક્ષુ વક્તાવરમલના સંબંધ બાબત વાત છેડી કે પટણી ! આ મારવાડીને હવે દીક્ષા આપશું ને? ચાતુર્માસ પૂર્ણ થઈ ગયું છે. પટણી–સાહેબ ! આપશ્રીને યોગ્ય છે
૫૯