Jivan Vaibhav

Author(s): Vachaspativijay
Publisher: Nandan Nandan Sahitya Prakashan Samiti

Page 79

કે ઉપર્યુકત લાકડાના બન્ને જિનાલયો એટલા બધા જીર્ણ થઈ ગયેલી કે વરસાદના પાણીના મારાના કારણે લાકડાઓ સડી ગયેલ અને પોલાણ પડી ગયેલ. આ પોલાણમાં ચામાચિડિયા નામના પુષ્કળ જનાવરોએ વાસ કરેલ. એના મળ-મૂત્રના કારણે ત્યાં સખત દુર્ગધ રહેતી.પહેલી તકે પૂજય શ્રી એ પોતાની સેવામાં સાથે રહેતા પાલિતાણાના નારણજી સુંદરજીને આ કાર્ય સોપ્યું. નારણજી એક કાણા પાડેલ મોટા ઘડામાં એ ચામાચિડીયાઓને જયણા પૂર્વક રૂમાલથી પકડી એ માટીના ઘડામાં મૂકી ઉપર કાણાવાળી ચારણી વડે ઢાંકી દેતા. અને દૂર દૂર જંગલમાં જઈ એ ઘડાનું મો ખોલી એમાં રહેલ ચામાચિડીયાઓને જંગલમાં છોડી મૂકતો, લગભગ ૪૦ થી ૪૫ ઘડાભરી ચામાચીડીયાઓને જંગલમાં મૂકી આવવામાં આવ્યાં. અને ખંભાતમાં રહેતા શિલ્પશાસ્ત્રના જાણકાર શ્રી ત્રિભોવનદાસ મિસ્ત્રીએ એ બન્ને દેરાસરોના જિર્ણોદ્ધારનું કાર્ય પાર પાડયું.
શ્રી સીમંધર સ્વામી મહારાજ ની પ્રતિમાજી મહારાજ ના પરિકરના ફોટા પડાવીને એ મુજબ ઘણા પરિકરો બનાવરાવેલ, આ દહેરાસરનો દરવાજો પશ્ચિમ સન્મુખ છે. શ્રી સીમંધર સ્વામી પરમાત્માના ગભારાની બહાર રંગમંડપમાં ઉત્તર દિશા તરફની ભીંતમાં એક નાનું સરખું ભીતીયું કપાટ છે એમાં સૌથી નીચેના ખાનાનાં લાકડાના પાટીયાને દૂર કરતાં ભોંયરામાં ઉતરવાનો માર્ગ છે. લોકોકિત અનુસાર એ રસ્તે કુમારપાળ ખંભાતમાં બિરાજમાન પૂ.શ્રી હેમચંદ્રાચાર્ય શ્રી પાસે આવતા જતા.
આ વાડીના બન્ને જિનાલયોના જિર્ણોદ્ધાર તો થયા નવું એક ગુરુ મંદિર પણ બંધાયું અને ખંડેર જેવી જૂની ધર્મશાળાનો પણ જીર્ણોદ્ધાર ન થયો એટલુંજ નહી પરંતુ આની સામે ચિંતામણી પાર્શ્વનાથ જિનાલયના નવ
૬૮