Jivan Vaibhav

Author(s): Vachaspativijay
Publisher: Nandan Nandan Sahitya Prakashan Samiti

Page 72

આવો ખોટો આરોપ શા માટે તમો કરો છો? ભાઈઓ, સાહેબજી આ તદ્દન જુઠ્ઠા છે મારે અને એને કાંઈક બાબતમાં મનદુઃખ થયું છે એટલે એ આવા બધા આરોપો મારી સામે મૂકી મને બદનામ કરે છે. પટણી—એ ભાઈ ! ચૂપ રહો. એતો અમારો જૂનામાં જૂનો વિશ્વાસપાત્ર માણસ છે. એ કદાપિ અસત્ય કહે જ નહીં. સંતોકરામ તરફ જોઈ પટણી–ભાઈ સંતોકરામ, આ બધું શું સાચું છે? હા, પટણી ખાત્રી કરવી હોય તો બોલાવું મારા દીકરાને–ગઈકાલે રાત્રે જ એ એને લઈ હોટલમાં ગયેલ. પણ અમો બ્રાહ્મણ, અમોને જોવુંય ન ગમે. પરંતુ આ તો ચકાસણી કરવા જ મેં એની સાથે મોકલ્યો હતો અને એણે જે કાંઈ ખાધું એના પૈસા ચૂકવતાં પૈસા ખૂટ્યા તે મારા દીકરાએ જ આપ્યા હતા. બોલાવું દીકરાને ? બધાય ડઘાઈ ગયા. મામલો ગરબડવાળો થયો હતો ત્યાં એક બહેન ત્યાં વંદન કરવા આવ્યા. એ બહેને આ વકતાવરને જોયો એટલે એ બહેન કહે કે–મહારાજ સાહેબ ! આ ભાઈ અહીં છે? મહારાજ સાહેબ–કેમ બહેન ! તમો એને ઓળખો છો? બધાયની નજર એ બહેન તરફ મંડાણી. આગંતુક બહેન કહે કે-હા, સાહેબ. આ લુચ્ચો ચોર છે. એણે ચોમાસા પહેલાં છ-સાત દિવસ અગાઉ જ દીક્ષા છોડી ત્યાંથી કપડાં વિગેરે ચોરી ભાગી ગયેલ છે.
મારવાડી–સાહેબજી, એવું નથી, બહેનની કાંઈક ભૂલ થતી હશે. પટણી કહે એય ચૂપ રહે. મહારાજશ્રી-તમો એને બરોબર ઓળખો છો? બહેન કહે કે, હા સાહેબ ! એ રોજ મારા ઘરેથી સવારમાં દૂધની તરપણી ભરીને લઈ જતા હતા. કેમ ના ઓળખું એને ? પૂ. મહારાજશ્રી–એય નારણ! પેલા હરીલાલ ફોટોગ્રાફરને બોલાવ. આનો , ફોટો પાડી મારતી ઘોડાગાડીએ તળાજા જા અને મહારાજશ્રીને ફોટો કે
૬૧