Book Title: Jivan Vaibhav Author(s): Vachaspativijay Publisher: Nandan Nandan Sahitya Prakashan SamitiPage 60
________________ Rબે દિવસનું રોકાણ જાહેર કર્યું. ગોંડલ મહાજન અને મહમદ શેઠ સંઘવીશ્રી પાસે મહેતલ માગી કે આવતી કાલે બપોરે બાર સુધી અમારી રાહ જોશો. અમે પૂરેપૂરી મહેનતે બાપુને સમજાવવા પ્રયત્ન કરીએ છીએ. વિગેરે. ગોંડલ મહાજન માયાવદર દિવસમાં બે વખત આવ્યું. સંઘવીજીએ એમની વાત સ્વીકારી, બીજા દિવસના બપોરના ૧૨ વાગ્યા સુધીની મહેતલ આપી. રાત્રે મહાજન-મહમદ શેઠ ગોંડલ ગયા. બાપુને બને એટલા પ્રયત્ને સમજાવવા કોશિશ કરી. પણ સમજે તો એ બાપુ શાના? “સીંદરી બળે પણ વળ ન મૂકે'. બાપુએ આગ્રહ ન જ છોડયો. અને મહાજનને જરાય મચક ન આપી. - બીજા દિવસના બપોરના બારે ઘડિયાળમાં ટકોરા દીધા. ગોંડલના માર્ગે કોઈ જ ના ફરક્યું. એટલે સંઘવીજી આવ્યા પૂ. શાસનસમ્રાટશ્રીના તંબુએ–વંદન કરીને બેઠા. અને હાથ જોડી બોલ્યા કે સાહેબજી! ૧૨નો સમય પૂરો થઈ ગયો. હવે હું ટેલીયો ફેરવી દઉં છું કે આપણો સંઘ આવતીકાલે ગોંડલનો માર્ગ મૂકી થાણા-દેવડીના રસ્તે ગિરનારજી જવા રવાના થશે. અને આવતીકાલનો મુકામ ખોડીયાર ગામે છે, વિગેરે. - પૂ.શાસનસમ્રાટશ્રીએ શેઠને સમજાવ્યા કે–ભાઈ ! ગોંડલ અહીંથી ૨૧-૨૨ માઈલ દૂર છે આવનાર મહાજનને પારકા પગે (મોટર મારફત) આવવાનું હોય છે. રસ્તામાં કંઈક વિઘ્ન નડ્યું પણ હોય તો પણ આપણે એક કલાકની ઉદારતા રાખીએ તો કેમ? શેઠ કહે ભલે ગુરુદેવ આપનું વચન તહત્તિ. શેઠ ગયા; અને ગોંડલ તરફના કોઈ જ સમાચાર ન મળતા બરાબર એક વાગે શેઠે ટેલીયાને બોલાવી–આપણો સંઘ આવતીકાલે ગોંડલનો માર્ગ મૂકી થાણા-દેવડીના રસ્તે શ્રી ગિરનારજી તરફ આગળ વધશે. આવતીકાલે સંઘનો મુકામ ખોડીયાર ગામે છે. એમ ટહેલ પાડી પડાવમાં જાહેરાત કરાવી. ૪૯Page Navigation
1 ... 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88