Jivan Vaibhav

Author(s): Vachaspativijay
Publisher: Nandan Nandan Sahitya Prakashan Samiti

Page 58

પૈસા પુષ્કળ મળશે અને આપણને ઘી-કેળાં થઈ જશે. સંઘ શંખેશ્વ પહોંચ્યો અને દરબારે જાહેર કર્યું કે માથાદીઠ રૂપિયો આપવા કબૂલ થાઓ તો શંખેશ્વર પાર્શ્વનાથના તમોને દર્શન કરવા દઉં. આમ જાહેર કરી ઓટલા ઉપરના મોટા પટારામાં શંખેશ્વરદાદાની પ્રતિમાજીને પધરાવી પટારાનું બારણું બંધ કરી તાળું લગાવી દીધું.
આ સાંભળી સંઘવી હતાશ થઈ ગયા. પણ આચાર્ય મહારાજશ્રી તો મહાન પ્રભાવશાળી. એઓએ શેઠને બોલાવી કહ્યું કે – ભલેને ઠાકોરે ભગવાનને પટારામાં પૂર્યા. આપણે બધાયે એ દરબારના ઘરના ચોકમાં સાથે બેસીએ. એ પટારાની સન્મુખ જેમ સવારમાં મહા વિદેહક્ષેત્રમાં વિચરતાં સીમંધર પરમાત્માને ઉદ્દેશી ચૈત્યવંદન કરીએ છીએ, એમ જ એ પટારાની સામે બેસી ભાવપૂર્વક ચૈત્યવંદન કરીશું. આપણી ભાવના જો બરાબર હશે તો દરબારની શી તાકાત છે કે ભગવાનની પ્રતિમાને પટારામાં રાખી શકે? આચાર્યશ્રી મહારાજની જોશીલી પ્રેરણાએ સઘળો સંઘ એ ઠાકોરના ઘેર પહોંચ્યો. ઘરના આંગણામાં બેસી મન-વચનકાયા ત્રણે એક કરી ચૈત્યવંદન શરૂ કર્યું અને સ્તવન આવતાં પૂ.આચાર્ય મહારાજશ્રીએ ભાવવાહી સ્વરે પાર્શ્વ શંખેશ્વરા સારકર સેવકા'' બોલવું શરૂ કર્યું અને સંઘના આબાલ-વૃદ્ધો પણ એ સ્તવન હ્રદયના ઉમળકાથી બોલવા માંડયા.
શબ્દવર્ગણાના પુદ્ગલોમાં પણ અદ્ભુત તાકાત સમાયેલ છે. ઇતિહાસ એની સાક્ષી પૂરે છે. સિદ્ધસેન દિવાકરસૂરિ મહારાજે ક્લ્યાણ મંદિરનો અગિયારમો શ્લોક બોલતા જ અવંતિ પાર્શ્વનાથ પ્રભુ પ્રગટ થઈ ગયા. આચાર્ય માનતુંગસૂરિ મહારાજ ભક્તામરના એક એક શ્લોક બોલતા ગયા ને એક એક બેડી તૂટતી ગઈ અને અભયદેવસૂરિ મહારાજ ‘‘જય તિ સ્ફૂયણસ્ત્રોત બોલતા શ્રીસ્તંભન પાર્શ્વનાથ પ્રગટ થયા. તેવી
૪૭