________________
જે કાળના વહેણની સાથે વર્ષોના વર્ષો વીતી ગયા પરંતુ જીવનમાં પડેલા ગાઢ સંસ્કારોના સંભારણા વિસર્યા વિસરાતા જ નથી.
વર્તમાન સમુદાયાગ્રણી પૂજય આચાર્ય શ્રી વિજય દેવસૂરીશ્વરજી મહારાજ શ્રી વિગેરે એક જમાનામાં અંગત મિત્રો જેવા હતાં. અને એજ કારણે વર્ષો પછી તેઓના સાંનિધ્યમાં પણ ચાર વર્ષ રહેવાનો અવસર આવ્યો. સોનામાં સુગંધની જેમ સંસ્કૃત ભાષાના પ્રકાંડ વિદ્વાન પૂજય આચાર્ય શ્રી વિજય હેમચન્દ્રસૂરિ મહારાજ સાથે પણ રહેવાનો યોગ આવ્યો.
ફુરસદના સમયે ક્યારેક ક્યારેક એઓશ્રીની સાથે વાર્તા-વિનોદ કરતાં જુનાં સંસ્મરણો રજુ થતાં. એમાં પણ કયારેક પૂ. શાસનસમ્રાટ શ્રીના રોમાંચક અદભુત પ્રસંગો વાગોળતાં. ત્યારે પૂ. હેમચંદ્રસૂરિ. મહારાજશ્રી કહે કે – પૂ. શાસન સમ્રાટશ્રીના સમયના જૂનામાં જૂના જોગી જેવા તમો વિઘધન છો. અને શાસન દેવની પરમ કૃપાએ એ બધું ય તમારી સ્મૃતિમાં જળવાઈ રહયું હોય એમ લાગે છે. તો પૂ. શાસનસમ્રાશ્રીના અભૂતપૂર્વ પ્રભાવક જે જે પ્રસંગો તમોને સ્મૃતિમાં હોય તે તમો લખી આપો તો જનતા આગળ તો મૂકી શકાય. અને પૂ. શાસન સમ્રાટશ્રીની કેવી પ્રભાવક્તા હતી તે લોકો જાણી શકે.
આ વર્ષના ચાતુર્માસની શરૂઆતમાંજ એ અંગે મૂ. હેમચંદ્રસૂરીશ્વરજી મહારાજશ્રીએ આગ્રહપૂર્વક એ કાર્ય કરવા મને પ્રેર્યો. પર્યુષણ પછી એની શરૂઆત કરી. અપૂર્વ પ્રસંગોતો ઘણાઘણા મારી સ્મૃતિમાં છે. પરંતુ એ બધાં જો લખવા બેસું તો કોઈ પારજ ન આવે. એટલે મે મારા સંસ્મરણોની વખારમાંથી થોડાક પ્રસંગો લખ્યા છે. ૨૦૩૦માં પૂ.શાસન સમ્રાટશ્રીની જન્મશતાબ્દિ સમયે સિધ્ધરસ્ત લેખક પૂ. શીલચંદ્રવિજયજી છે.
