________________
કરે તેવું બનવાનો સંભવ ઘણો ઓછો છે. શ્રી ઋષભદેવથી માંડીને શ્રી મહાવીરસ્વામિ ભગવાન પણ ક્ષત્રિય હતા, તે નક્કી વાત છે. ભરત ચક્રવર્તી એ શ્રી ઋષભદેવ ભગવાનના જ સંસારી પુત્ર હતા. રામ, લક્ષ્મણ, ભરત થયા છે, તેઓ પણ ક્ષત્રિય હતા. તેથી લેખકની વાત ઠીક જણાતી નથી.
હકીકત એવી જણાય છે કે પૂર્વકાળમાં લોકોમાં રાજાને ભગવાનનો અંશ મનાતો હતો. (આ લોક માન્યતા હતી, જૈન માન્યતા નહીં) ભરત, સગર વગેરે એવા પ્રતાપી ક્ષત્રિય રાજાઓ થયા છે, તેઓએ પ્રજા માટે ખૂબ કાર્યો કર્યાં છે અને પાછળથી દીક્ષા વગેરે લેવાથી તેઓ લોકમાં પણ વિશેષ પૂજ્ય બન્યા. બધા જ લોકો તેઓને પોતાના માનતા હતા. (દા.ત. મારા સંસારી વતનના અજૈનો પણ મારા માટે ‘અમારા મહારાજ' તેવો શબ્દપ્રયોગ કરે છે.) બીજી વાત એવી પણ છે, કે ભરત ચક્રવર્તી જે ૮૪૦૦૦ શ્રાવકોની રોજ ભક્તિ કરતા હતા તેઓનો વંશ પછીથી બ્રાહ્મણ બન્યો, તેથી પણ તેઓએ ભરત, સગર વગેરેને પોતાના માન્યા હોય.
અર્જુન રામાયણોમાં હનુમાનને વાંદરા તરીકે માનવામાં આવે છે અને વાંદરાઓ યુદ્ધો ખેલે- વિજય મેળવે વગેરે વાતો શી રીતે મનાય? જૈન રામાયણ પ્રમાણે હનુમાનજી પિતા પવનંજય અને માતા અંજનાસુંદરીના અત્યંત પરાક્રમી ક્ષત્રિય રાજપુત્ર હતા અને તે જ બાબત યોગ્ય જણાય છે.
(૨૭)
