Dakshina Pathni Sadhna Yatra

Author(s): Pratap J Tolia
Publisher: Vardhaman Bharati International Foundation

Page 11

છાયારૂપે સર્વત્ર ધર્મપત્ની સુમિત્રાનો અને પ્રતિછાયાઓ રૂપે અમારી સમર્પિત સુપુત્રીઓનો સહયોગ પારાવાર રહ્યો, જેમાં ઉકત મહાપુરુષોની જ કૃપા, દેશ-વિદેશનાં અનેક સાથીઓના સહયોગનો તો હજુ જુદો વૃત્તાંત લખવો રહેશે.
આ સર્વ સહયોગોથી ચાલી રહેલા વર્ધમાનભારતીના અને આશ્રમના યત્કિંચિત્ સર્જનકાર્યોના ઉપક્રમમાં સ્વત્વની ભારે કસોટી કરતા વળી બે મોટા વજ્રાઘાતો આવ્યા-પ્રથમ અમારાં સર્વસૃજનોના પ્રાણસમી જ્યેષ્ઠા સુપુત્રી કુ. પારુલનો પણ ભરયુવાવસ્થામાં અસમય જ, માર્ગ ઓળંગવાના મોટર અકસ્માત દ્વારા, આ લખનારની પાંચમી વિદેશયાત્રા દરમ્યાન ૨૮ ઑગસ્ટ, ૧૯૮૮ના દિને બેંગલોરમાં સ્વર્ગવાસ અને બીજો અમારા જીવનના કેન્દ્ર સમ આશ્રમના અધિષ્ઠાત્રી આત્મદ્રષ્ટા માતાજીનો યે ૪ એપ્રિલ ૧૯૯૨ના દિને હંપીંથી મહાવિદેહનો મહાપ્રવાસ !!
સ્વ. પારુલનો આ "સાધનાયાત્રા”ની લઘુકૃતિના હિન્દીકરણમાં સર્વત્ર વિશિષ્ટ પ્રભાવ ઉપજાવતો અનેરો સહયોગ રહ્યો. તે જ રીતે ઊંડા ચિંતન ને અનુમોદનાપૂર્વક આ કૃતિનો "આમુખ" લખી આપીને, મારા વિશ્વવિદ્યાલયીન અનુસ્નાતક અધ્યયન સમયથી ઉપકારક વિદ્યાગુરુ રહેલા વિદ્વાન્ સાધકવર્ય ડૉ. રામનિરંજન પાંડેયજીનો હૃદયથી આભાર માનું છું.
અન્ય સહયોગીઓનો પણ ભાવપૂર્વક આભાર માની આ પ્રાકથન પૂરું કરીશ, જેમાં છે : આ કૃતિને આવું સુંદર કલાત્મક રૂપ આપનાર સાધક મિત્ર બંધુદ્ધય શ્રી રતિભાઈ લાલભાઈ, શ્રી ચીમનભાઈ લાલભાઈ, ગ્રાફિક પ્રૉસેસ સ્ટુડિયોના તેમના સહયોગીઓ, મુદ્રક બંધુ શ્રી ઉર્મિશભાઈ, આ આલેખની સુંદર અક્ષરોમાં હસ્તપ્રત તૈયાર કરી આપનાર આશ્રમ-સાધિકા શ્રીમતી રમાબહેન ઝવેરી, આ પ્રકાશનમાં ગુપ્તનામ વિદેશના એક ધર્મબંધુ મિત્ર અને અન્ય અનેક નામી-અનામી, પ્રત્યક્ષ સહયોગીઓ. અંતે, પરમગુરુઓ પ્રત્યે પ્રાર્થના કરીને વિરમીશ કે આ નાની શી સાધનાયાત્રા' અનેકોની બાહ્ય કે આંતરિક વિશદ સાધનાયાત્રાનું નિમિત્ત બનો !
પ્રા.પ્રતાપકુમાર ટોલિયા
૧૨, કૅમ્બ્રિજ રોડ, અલ્સર, બેંગલોર-૫૬૦૦૦૮ ૨૧ મે, ૧૯૯૩.
2000