________________
મુખાકૃતિ ખરે જ એક યોગી જેવી જ મને લાગી છે. એમાં કોઈ આશ્ચર્યની વાત નથી કે તેમની ઉપર પણ શ્રીમદ્ રાજચંદ્રના આશ્રમ તેમ જ તેમના ઉપદેશોનો પર્યાપ્ત પ્રભાવ પડયો છે અને તેઓ શ્રીમદ્ રાજચંદ્રજીના ઉપદેશોનો ટેપ તથા ગ્રામોફોન રેકર્ડો દ્વારા-સુંદર પ્રચાર-પ્રસાર કરી રહ્યા છે. એમની લખેલી લઘુ પુસ્તિકા-'દક્ષિણાપથની સાધનાયાત્રા' ૧૪ વર્ષ પહેલાંના હંપી સ્થિત શ્રીમદ્ રાજચંદ્ર આશ્રમના પ્રથમ દર્શન પછી ગુજરાતીભાષામાં લખાયેલી હતી, હવે તેનો હિન્દી અનુવાદ તેમની સુયોગ્ય સુપુત્રી કુમારી પારુલે અત્યંત પરિશ્રમપૂર્વક અને સુંદર રીતે કર્યો છે. આ લઘુ પુસ્તિકા દ્વારા શ્રીમદ્ રાજચંદ્રજીનો ઉપદેશ તથા તેમનો પ્રભાવ સ્પષ્ટરૂપે દૃષ્ટિગોચર થાય છે. અને સાધકના હૃદયપટ પર શ્રીમદ્ રાજચંદ્રજીનો નિમ્ન મૂલમંત્ર અંકિત થઈ જાય છે:
"જેણે આત્માને જાણ્યો તેણે સર્વને જાણ્યું." "જે એગં જાણઈ, સે સવ્વ જાણઈ."
હું પ્રો. પ્રતાપકુમાર ટોલિયાને અને તેમની સુયોગ્ય પુત્રી કુમારી પારુલને આ પ્રતિને માટે ધન્યવાદ આપું છું.
-
· શ્રી સુબોધકુમાર જૈન, દેવાશ્રમ, આરા(બિહાર). સંપાદક, શ્રી જૈન સિદ્ધાન્ત ભાસ્કર'
THE JAINA ANTIQUARY (Vol. 38, No.2, Dec, 1985)
(૨) પ્રસ્તુત કૃતિ હંપી (કર્ણાટક) સ્થિત શ્રીમદ્ રાજચંદ્ર આશ્રમ અને સાધકસંત શ્રી. ભદ્રમુનિજીની સાધનાનું ઇતિવૃત્ત છે.
- "સહજ આનન્દ" (હિન્દી માસિક), દિલ્હી, (Vol. 3, No. 11, Nov. 1986) નોંધ :- "દક્ષિણાપથની સાધનાયાત્રા”ના હિન્દી સ્વરૂપના ભારત અને વિશ્વભરમાંના ખૂબ જ આવકારભર્યા પ્રતિભાવ પછી, તેની બધી નકલો શીઘ્ર ખલાસ થઈ ગયા પછી અને આવી અનેક ચિરંતન કૃતિઓના સંપાદન તેમજ મૌલિક આલેખન પછી, જણાવતાં અત્યંત દુઃખ થાય છે કે આ કૃતિને આવું, સર્વગ્રાહ્ય ચિરંતન સ્વરૂપ આપનાર અમારી સ્વનામધન્યા જયેષ્ઠા સુપુત્રી કુ.પારૂલનું ૧૯૮૮માં એક સામાન્ય માર્ગ ઓળંગવાના બસ અકસ્માતમાં અસમય જ દેહાવસાન થયું છે.
(હિન્દી પરથી ગુજરાતી : શ્રીમતી સુમિત્રા પ્ર. ટોલિયા)
૩૭
