Chandralekhavijayprakaranam

Author(s): Devchandramuni, Pradyumnasuri
Publisher: Shardaben Chimanbhai Educational Research Centre

Page 57

चन्द्रलेखाविजयप्रकरणम्]
[प्रथमोऽङ्कः
तदेवं येनेदं युगपदभितः पुष्पधनुषा
द्वयं चक्रे चित्रार्पितमिव तमेकं नमत रे ।। ४७ ।। (शिखरिणी) तत्त्वप्रपञ्चनः- (हंस्यास्तदेकाग्रतां निरीक्ष्य) नीर-क्षीरविवेकमेकमपरे जल्पन्ति हंसान्वये
तां निःशेषरसाद्भुतप्रकटनां त्वत्रैव वीक्षामहे । पश्यैतस्य विशुद्धमानसमिदं निर्विश्य हंसी रसं, कं कं न प्रकटीकरोति विमतव्यापारभाराऽप्यसौ ? || ४८ ।।
(शार्दूलविक्रीडितम्) (ऊर्वमवलोक्य) किं चित्रं नववल्लभा विरहजप्रो(प्रौ)ढानलोम्भित
ज्वालाजालकरालिताः परनिजप्लोषं समातन्वते । यत् प्राचीचरितं स्मरन्नतिजवात् तेजो विमुञ्चन्नसौ, मध्यस्थोऽपि तनोति हन्त सविता सन्तापमत्युल्वणम् ।। ४९ ।।
(शार्दूलविक्रीडितम्) तदयं समुपस्थितो मध्याह्नसमयः । (मतिमसृणं प्रति) वत्स ! त्वरयतु भवान् कनकचम्पककुसुमाहरणाय, यथा देवार्चनविधिर्विधीयते ।
(इत्युक्त्वा विसृजति ।) (विजयो मध्याह्नवर्णनोदितमनुस्मृत्य औत्सुक्यं नाटयति ।)
(नेपथ्ये) २८दसणवलिदसुंडो एस चंडो करिंदो,
___ कुसुममवचिणंतं मारिदुं मं पयट्टो । पबलनियभुयेहिं रक्खिदासेसलोओ,
ववसदु विजओ सो रक्खिदुं रक्खणीयं ।। ५० ॥ (मालिनी) विजयः- (आकण्य) आः ! क एष मयि विश्वोपकारप्रवणान्तःकरणे तपस्विनमेन
मभिभवति ? । (इति पटीक्षेपेण सरभसं हस्तिनोऽभिमुखमभिधावति ।) तत्त्वप्रपञ्चन:- (तत्तथा विभाव्य) अहह ! महदसमञ्जसं समापतितम्, यदमुना २८. दशनवलितशुण्ड एष चण्डः करीन्द्रः,
कुसुममवचिन्वन्तं मारयितुं मां प्रवृत्तः । प्रबलनिजभुजाभ्यां रक्षिताशेषलोकः, व्यवस्यतु विजयः स रक्षितुं रक्षणीयम् ॥ ५० ।।