________________
સંગીત, રમત-ગમત, લેખન કવિત્વ, પરાક્રમ, વિક્રમ કે આધ્યાત્મિક સાધના અને આધ્યાત્મિક ઉપલબ્ધિ આદિ કોઈ પણ ક્ષેત્રમાં વડીલોની ઇજારાશાહી નથી. નાની વયના બાળકો પણ દરેક ક્ષેત્રમાં અસાધારણ સફળતા સંપ્રાપ્ત કરી શકે છે.
ચાર વર્ષનો બુધીયા નામનો બાળક જગન્નાથપુરીથી માત્ર ૭ ક્લાકમાં ૬૫ કિ.મી. ચાલીને ભુવનેશ્વર પહોંચ્યો!
આ પુસ્તકના વિદ્વાન લેખક પંન્યાસ પ્રવર શ્રી ઉદયવલ્લભવિજયજીએ આ પુસ્તકમાં વિવિધ ક્ષેત્રના અઢળક બાલ-પરાક્રમીઓની સચોટ વિગતો રજૂ કરી છે, જે વાંચતા મુખમાંથી શબ્દો સરી પડે અહો આશ્ચર્યમ્ ! અહો બાલવૂમ્!
ખલિલ જિબ્રાને ૧૪ વર્ષની ઉંમરે The Profet નામના વિશ્વપ્રસિદ્ધ મહાગ્રન્થની રચના કરી હતી.
જાગ્યા ત્યારથી સવાર'- કહેવત શું માત્ર વયસ્ક વ્યક્તિઓ માટે જ સર્જાયેલી છે ? કોઈ ૬૦ વર્ષે સમજણ કે વૈરાગ્ય પામે તો તેની સવાર ત્યારે ઊગે અને કોઈ બાલ્યા વયમાં સાચી સમજણ પામી જાય તો શું તેની સવાર વહેલી ન ઊગે?
નિદ્રાની બાબતમાં વિચારીએ તો જાગવાનો આદર્શ સમય ક્યો? વહેલી સવારનો. બપોરે ૧૨ વાગે કે ૨ વાગે કોઈ નિદ્રામાંથી જાગે તો તેને એદી કે પ્રમાદી કહેવાય. છતાં, ત્યારે પણ જાગે તો તેની સવાર ભલે ૧૨ કે ૨ વાગે પડે, પરંતુ ખરેખર સવારના સમયે એટલે કે ૬-૭ વાગે કોઈની સવાર પડે ત્યારે તેની સામે વાંધો
