Book Title: Bal Dikshano Jay Author(s): Udayvallabhvijay Publisher: Pragna Prabodh ParivarPage 71
________________ વેપાર કરનારા કે કારખાના ચલાવનારા બધા અંબાણી નથી બનતા. છતાં દરેકની ખ્વાઈશ તેવી જરૂર હોય છે. પોતાનું ઘર ચલાવવા માટે કોઈ વેપાર કરે છે. ભાગ્ય સાથ આપે અને અંબાણી બની જવાય તો ઘરની સાથે ઘણાના ઘર ચલાવે છે! કોઈ બાળદીક્ષિત હેમચંદ્રાચાર્ય બને તો તે ખૂબ જ આનંદદાયક વાત છે પણ કોઈ બાળક હેમચંદ્રાચાર્ય બનવા માટે જ દીક્ષા નથી લેતો. દીક્ષા સ્વકલ્યાણ માટે છે. વિશેષ પ્રતિભા, પનોતી પુસ્થાઈ, વિરલ શક્તિના સંયોગો થતા લોકકલ્યાણના મોટા દરવાજા ખૂલે તો તે વધારાનો ફાયદો છે. પ્રભાવક બનવાની શક્યતા બધામાં ન પણ હોય તો પણ આરાધક બનવાની શક્યતા તો દરેકમાં રહેલી છે. દીક્ષા લેનાર સ્વકલ્યાણના ઈરાદાથી ગ્રહણ કરે છે. પણ બાળદીક્ષાનો વિરોધ કરનારાએ સંભવિત પ્રભાવકતાને પણ સમજવાની હોય છે. બાળદીક્ષાના વિરોધથી માત્ર કોઈ એકનું કલ્યાણ નથી અટકતું પણ સંભવિત હજારોનું હિત અને અનેક નવા સર્જનો પણ. રૂંધાઈ શકે છે. એક ડેલિગેશન ગામે ગામ ફરતુ હતું. ત્યાંનો ઇતિહાસ નોંધે, ત્યાં જન્મેલા મહાપુરુષો અંગે પૃચ્છા કરે, માહિતી મેળવે અને ગ્રામ્ય ઇતિહાસ તૈયાર કરે. એક ગામમાં તેમણે પ્રશ્ન પૂછ્યો “તમારા ગામમાં કોઈ મહાપુરુષનો જન્મ થયો છે?” તેમને જવાબ મળ્યો “અમારા ગામમાં કોઈ મહાપુરુષનો જન્મ થયેલ નથી. અમારા ગામમાં માત્ર બાળકોનો જ જન્મ થયો છે.” જન્મજાત મહાપુરુષ કોઈ ન હોય, છતાં પુરુષાર્થ થકી મહાપુરુષ બનનારા ઘણા હોય છે. - એPage Navigation
1 ... 69 70 71 72 73 74 75 76 77 78 79 80 81 82 83 84 85 86 87 88 89 90
