Book Title: Bal Dikshano Jay Author(s): Udayvallabhvijay Publisher: Pragna Prabodh ParivarPage 85
________________ વૃદ્ધ-માંદા મા-બાપને ઘરમાં કૃતજ્ઞભાવે સાચવવા તથા કુટુંબના નાના-મોટા નબળાને ટેકો આપવો. પોતાના સાધાર્મિક બંધુ પ્રત્યે લાગણી ભર્યો વ્યવહાર રાખવો એવા જીવનમૂલ્યો સહુને શીખવે છે. પોતાના જીવન ઉત્કર્ષની સાથે જ જૈન સાધુસાધ્વીજી દ્વારા સમાજ પ્રત્યે થતો પરોપકાર પણ માપ બિહારનો છે. એક અંદાજ મુજબ રોજ ઓછામાં ઓછા એક હજાર સ્થળોમાં જૈન શ્રમણ-શ્રમણીઓના પ્રવચનો ચાલતા હશે. જેના માધ્યમથી સાંભળનારા હજારોલાખો લોકોના જીવનમાં ગુણવિકાસ અને જ્ઞાનવૃદ્ધિ થતી હોય છે. પગે ચાલીને વિહાર કરવાનાં કારણે જૈન મુનિઓ અંતરિયાળ ગામો સુધી પહોંચી શકે છે તેથી ગામોને પણ આ લાભ મળે છે. નાની ઉંમરે દીક્ષા લઈને વર્ષો સુધી ધારદાર જ્ઞાનાભ્યાસ કરીને તૈયાર થયેલા પ્રભાવક, લેખક, પ્રવચનકાર મુનિઓની સંખ્યા નાની નથી. તેમના ઉપદેશથી હજારો નબળા પરિવારોને પોષણ મળી રહે તેવી વ્યવસ્થા જૈન સંઘો, શ્રેષ્ઠીઓ, ફાઉન્ડેશનો દ્વારા ઘણા સ્થળોમાં ચાલતી રહે છે. કરોડોનો સવ્યય દર વર્ષે આ રીતે મુનિઓની પ્રેરણા-માર્ગદર્શનથી થતો રહે છે. ક્ષમા-મૈત્રીભાવના ઉપદેશો થકી અનેકના જીવનનાં વેર ઝેર શમાવે છે.Page Navigation
1 ... 83 84 85 86 87 88 89 90