Bal Dikshano Jay

Author(s): Udayvallabhvijay
Publisher: Pragna Prabodh Parivar

Page 27

Element સાથે આ Giftedness ને સરખાવી શકાય.
જીંદગીના વીસ-પચ્ચીસ વર્ષ વીતાવ્યા પછી પણ જોવા ન મળતી અસાધારણ સંગીતકળા, નૃત્યકળા, ચિત્રકળા, ગણિતજ્ઞતા, વાકપટુતા કે ધારણાશક્તિ જો માત્ર ત્રણ-પાંચ કે સાત વર્ષની બાળવયે કોઈનામાં જોવા મળતી હોય અને તે બાળક “Gifted' (અનુગૃહિત) કહી શકાય તો આઠ-દશ કે બાર વર્ષની બાળવયે વૈરાગ્ય, ત્યાગ, તપના, ક્ષેત્રે પણ પ્રગતિ કરનારા કોઈ હોઈ શકે. તેને આપણે પૂર્વના સંસ્કારોનું જાગરણ' કહી શકાય, વર્તમાનના સંસ્કારોનું ફળ કહી શકાય. અથવા ‘બન્નેનો સરવાળો' કહી શકાય. સાદી ભાષામાં તેને “ગયાજીવનું આરાધેલ' કહી શકાય. આ બધાને 'Giftedness' ના પર્યાયવાચક માની શકાય. પૂર્વ ભવના ઉત્તમ સંસ્કારો. લઈને નવા શરીરમાં આવેલો જીવ નાની ઉંમરમાં પણ તેનો ઝળહળાટ ધરાવતો હોય છે. નવા મોબાઈલમાં જુનું સિમકાર્ડ નાંખનારને storage વગર મહેનતે મળે છે ને!
* આવો સંસ્કારવારસો લઈને આવેલા હોય તેને નાની વયમાં પણ વૈરાગ્યના ભાવો સંભવિત છે. માટે, વૈરાગ્યને વય સાથે નહીં પણ સંસ્કારો સાથે વધુ સંબંધ છે.
લગ્ન, મન થાય ત્યારે ન થાય, ઉંમર થાય પછી જ થાય છે. જ્યારે દીક્ષા મન થાય પછી લેવાય છે, ઉંમર થતા લેવાતી નથી. એટલે તો દીક્ષા લેનારો 'લાયક' હોવો જરૂરી છે. લગ્ન કરનારો ‘ઉંમરલાયક' હોવો જરૂરી છે.
મન થવા છતા જો ઉંમર ન થઈ હોય તો લગ્ન થતા નથી. અને ઉંમર થવા છતા જો મન ન થાય તો દીક્ષા લેવાતી નથી.
- ૧૦