Bal Dikshano Jay

Author(s): Udayvallabhvijay
Publisher: Pragna Prabodh Parivar

Page 47

દીક્ષા V/s શિક્ષા
“મમ્મી! આ બકરી કેમ રડે છે ? તેને કાન ખેંચીને આ ભાઈ ક્યાં લઈ જાય છે ?”
“બેટા! લાગે છે કે કદાચ તેને કતલ માટે લઈ જતા
હશે”
“અચ્છા. મને એમ કે તેને સ્કૂલમાં લઈ જતા હશે.” આ સંવાદ ઘણું કહી જાય છે. શિક્ષણના નામે શૈશવ પર થતા અત્યાચારની અહીં કેફિયત છે.
બાળકને પરાણે સ્કૂલમાં મોકલવામાં આવતો હોય છે. જો તે માને નહીં તો ધાક-ધમકીથી, જોર જુલમથી, બળજબરીથી અને અને ક્યારેક તો મારપીટ કરીને રડાવીને સ્કૂલમાં મોકલવામાં આવતો હોય છે. આ દૃશ્ય હજારો-લાખો ઘરોમાં રોજ જોવા મળશે.
એક કડવી વાસ્તવિકતા છે કે આજે શિક્ષણનું મૂલ્ય વધ્યું છે પણ મૂલ્યોનું શિક્ષણ અપાતું નથી. આની સામે ધર્મ હંમેશા મૂલ્યશિક્ષા પીરસે છે, છતાં ધર્મ ઉપર નિયંત્રણો મૂકાય છે અને મૂલ્યહીન શિક્ષણ બાળકો માટે ફરજિયાત કરાયું છે.
.
શિક્ષણશાસ્ત્રીઓ ઉપરાંત માનસશાસ્ત્રીઓ પણ બે વર્ષની ઉંમરથી શિક્ષણ આપવાની પદ્ધતિને અવૈજ્ઞાનિક ગણે છે. લાખો બાળકોના બાળપણ અહીં કચડાતા દેખાય છે ત્યારે ચાઈલ્ડ વેલફેર કમિટી કેમ નિષ્ક્રિય છે?
30