Bal Dikshano Jay

Author(s): Udayvallabhvijay
Publisher: Pragna Prabodh Parivar

Page 67

અસાધારણ જીવદળ ધરાવનારા હોઈ શકે આવી Positive કલ્પના કરવી ન્યાયયુક્ત અને તર્કસંગત લાગે છે. (૯) બાળકના જીવનનો હક્ક અને જવાબદારી જેના છે એવા વાલી પણ જ્યારે બાળકને તરછોડી દે ત્યારે સમાજહિતેચ્છુઓ, કોર્ટ અને સરકાર તે બાળકોના હિત માટે આગળ ધસી આવે તેમાં ખોટું શું છં?
* સૌથી મોટી ગેરસમજ એ છે કે દીક્ષા ગ્રહણ એટલે વાલીઓ દ્વારા બાળકને તરછોડવું! દીક્ષા ગ્રહણ કરનાર સ્વજનોને છોડતો નથી પણ સ્વજનવર્ગનું વિસ્તરણ કરે છે.
દીક્ષા પછી પણ “અમારા. મહારાજ સાહેબ” તરીકેની વિશેષ લાગણી તેના સ્વજનવર્ગમાં કાયમ અકબંધ જોવા મળે જ છે તે ઉપરાંત ગુરુ પણ તેની કાળજી લે છે અને સમગ્ર જૈન સંઘ તે સાધુને પોતાના પૂજનીય માનતો થાય છે અને તેમની સર્વાગીણ કાળજી કરે છે.
જૈનોમાં દીક્ષાધર્મ અને સાધુ-સાધ્વીજી ભગવંતો માટે જે આદર છે તે ભાગ્યે જ બીજે જોવા મળે છે. તેના મૂળમાં જૈન સાધુના જીવનના ત્યાગ- વૈરાગ્ય – જ્ઞાન અને ગુણનો પ્રભાવ છે. સાધુ ભગવંતને જોઈને તો જૈનનું મસ્તક નમે જ છે, પણ દીક્ષા ગ્રહણ કરનાર દીક્ષાર્થીને જોઈને પણ જૈનો નમી પડે છે. કોઈ દીક્ષાર્થી જ્યારે દીક્ષા ગ્રહણ કરે છે ત્યારે તેમને સાધુ જીવનમાં ઉપયોગી થનારા વસ્ત્ર-પાત્રઉપકરણો અર્પણ કરાય છે. મૂળ કિંમતે નજીવી રકમના ઉપકરણો અર્પણ કરવા લાખો રૂપિયાની ઉછામણી બોલાય છે. આ તેમના માટેનો લોક આદર સૂચવે છે.
-- ૫૦