Book Title: Bal Dikshano Jay Author(s): Udayvallabhvijay Publisher: Pragna Prabodh ParivarPage 13
________________ ધાર્મિક અને સાંસ્કૃતિક પરંપરાઓ પ્રત્યે કેટલાક બુદ્ધિજીવી વર્ગને સૂગ થતી હોય છે. બાળદીક્ષા પણ કેટલાક લોકોને અરુચિનું કારણ બને છે. મને વિશ્વાસ છે કે, આવા અનેક (સાધ્યકક્ષાના) દરદીઓની બુદ્ધિનું સિફતપૂર્વક ઓપરેશન આ પુસ્તક નામના ઓજાર દ્વારા થઈ જશે. હું તો ખૂબ આશાવાદી છું. આ પુસ્તકના પાવર ઉપર એવી આશા જાગે છે કે આ પુસ્તક વાંચીને કદાય કેટલાય બાળદીક્ષા - વિરોધીઓ બાળદીક્ષાના સખત તરફદાર અને ટેકેદાર બની જાય તેવો ચમત્કાર સર્જવાનું સામર્થ્ય આ પુસ્તકમાં રહેલું મને દેખાય છે. - મજાની વાત એ છે કે, લેખકશ્રી સ્વયં બાલદીક્ષિત છે. ખૂબ વિદ્વાન છે. પૂ. ઉપાધ્યાયશ્રી યશોવિજય મ. સા. રચિત જૈન તર્કભાષા ગ્રંથ ઉપર સંસ્કૃત વૃત્તિ રચી છે. પ્રભાવક પ્રવનચકાર છે. હજારો યુવાનો તેમની શિબિરો સાંભળવા ચાતકની જેમ આતુર હોય છે. હજારો યુવાનો તેમના જીવનમાં ઘણું પરિવર્તન પામ્યા છે. તેઓ એક અચ્છા લેખક પણ છે, તેમના પુસ્તકો અત્યંત લોકપ્રિય બન્યા છે. લેખકશ્રી પોતે જ બાળદીક્ષાની તરફેણનું એક જીવતું-જાગતું દૃષ્ટાંત છે, અને તેથી પણ પુસ્તક વાંચ્યા પછી બાળદીક્ષા અમર તપો નો જયનાદ સહજ રીતે અંતરમાંથી ઊગ્યા વગર કેવી રીતે રહી શકે ? પંન્યાસજીને શતશઃ ધન્યવાદ... મુક્તિવલ્લભસૂરિ ચૈત્ર વદ ૧૪, તા. ૨૮/૪/૧૪, સોમવાર, ગોરેગામ-જવાહરનગરPage Navigation
1 ... 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90
