Atmanand Prakash Pustak 054 Ank 08

Author(s): Jain Atmanand Sabha Bhavnagar
Publisher: Jain Atmanand Sabha Bhavnagar

Page 4

શ્રીમતી પ્રભાવતીબહેન હરખચંદ ગાંધી
ધાર્મિક ઊંડા સંસ્કાર અને મીલનસાર સ્વભાવથી પિતાના સમસ્ત ગૃહજીવનને ધન્ય કરી રહેલ શ્રી પ્રભાવતીબેન અપણા શ્રાવિકા સમાજના એક પ્રભાવશાળી મૂંગા સેવિકા છે.
મહુવા પાસેના ભાદ્રોડ ગામમાં સં. ૧૯૮રના શાક સુ. ૩, અક્ષય તૃતીયાને શુભ દિને શ્રી હઠીસંગ ડુંગરશીને ત્યાં શ્રી ચંદનબેનની કુક્ષીએ એમનો જન્મ થયો, અને સં. ૨૦૦૫માં મહુવાના ઉદારદિલ નરરત્ન શ્રી હરખચંદ વીરચંદ ગાંધી સાથે લગ્નગ્રંથીથી તેઓ જોડાયા.
પિતગૃહે તેઓ સામાન્ય સંગોમાં ઉછર્યા હતા, એમ છતાં ઉચ્ચ સંસ્કારોથી તેમનું વ્યક્તિત્વ અનેખા રંગે રંગાયું હતું.
પિતાના પતિ હરખચંદભાઈ શુભ પુણ્યોદયે ઠીક ઠીક લક્ષ્મી મેળવી અને પ્રાપ્ત થએલ લક્ષ્મીનો ઉદાર દિલથી શુભ વ્યય કરી જીવનની સુવાસ પાથરી રહ્યા છે ત્યારે આ શુભ કાર્યોની પ્રેરણ કરવામાં શ્રી પ્રભાવતી બેનની લાગણી ઓછી કારણભૂત નથી. શ્રી હરખચંદભાઈના અનેક શુભ કાર્યોમાં શ્રી પ્રભાવતી બેનની પ્રેરણું અને સંપૂર્ણ સહયોગ હંમેશા અનેરો ઉત્સાહ જન્માવતા જ હોય છે.
પહેલી જ દષ્ટિએ જેમના ઉચ્ચ વ્યક્તિત્વ માટે માન પેદા થાય તેવું પ્રભાવતીબેનનું પ્રતિભાશાળી સદાનંદી માયાળુ વ્યક્તિત્વ, સાદાઈ, સરળતા અને ભાવભર્યું આતિથ્ય ભાવ માટે જરૂર માન ઉપજ્યા વગર નહિ રહે.
તેમનો વ્યવહારિક અભ્યાસ પાંચ-છ ધારણું અને ધાર્મિક પાંચ પ્રતિક્રમણ પૂરતો છે, પરંતુ સાધુ સાધ્વીની ભક્તિ અને ધાર્મિક શુભ કાર્યોમાં તેઓ જે રસ લઈ રહ્યા છે તે જોતાં ધાર્મિક અભ્યાસ તેમના જીવનમાં પરિણમે છે તેમ આપણને જરૂર લાગે.
તંદુરસ્ત દેહ, સંસ્કારી પાંચ સંતાનરને (બે પુત્ર-ત્રણ પુત્રી), સુપ્રમાણમાં ધનસંપત્તિ અને સુલક્ષણી ગૃહ-જીવન આમ સુખી જીવનના ચારે સુખના વેણ આ દંપતીને સાંપડ્યા છે તેમ દાન, શિયળ, તપ અને ભાવથી ઉભયનું જીવન એવું જ સુસાંસ્કૃતિક બની રહ્યું છે.
શિક્ષણ અને ધાર્મિક સંસ્કારના તેઓ ખાસ હિમાયતી છે. અને આવા ક્ષેત્રેમાં તેઓ મૂંગી સેવા હંમેશા આપતા રહે છે તેમ સુયોગ્ય સખાવત પણ કરતા રહે છે. મુંબઈની શકુંતલા કાન્તિલાલ ગર્લ હાઇસ્કૂલ, જૈન મહિલા સમાજ અને નાની-મોટી સંસ્થાઓમાં પેન કે સભ્ય તરીકે જોડાઈ તેઓ બનતી સેવા બજાવી રહ્યા છે.
પિતાને જીવન–સુવાસની સંસ્કારી વેલ આમ હંમેશા વધુ ને વધુ પાંગરતી રહે અને ઉભયનું જીવન અનેકવિધ શુભ પ્રવૃત્તિઓથી ખૂબ સુવાસિત બને એ જ શુભેચ્છા.
શ્રી પ્રભાવતી બેન આ સભાના માનવંતા પેટ્રન થયા છે એ તેઓશ્રીના દિલમાં સાહિત્ય અને શિક્ષણ પ્રત્યે પ્રેમભાવ ભર્યો છે તેની પ્રતીતિકારક છે. તેઓશ્રીના સહકારથી સભા પિતાના મનોરથ પાર પાડવામાં સફળતા મેળવે એ જ મહેચ્છા.