________________
૧૭
ચંદન મલયાગિરિ
- - - આપ્યું છે, એ હાથ હવે ભીખ માગવા લાંબો નહીં થાય. તેઓ કામ શોધવા બજારમાં નીકળ્યાં.
બજારમાં ફરતાં ફરતાં તેઓ એક શેઠની દુકાન આગળ આવ્યાં. લાખો રૂપિયાનો વેપાર ચાલે છે. ઘેર નોકરચાકર ને વાણોતરગુમાસ્તાનો પાર નથી. રાજાએ વિચાર કર્યો. આ શેઠને ત્યાં મને જરૂર કામ મળશે, એટલે જઈને તેને જુહાર કર્યા.
શેઠે પૂછયું, ભાઈ, કેમ આવવું થયું ? રાજાએ કહ્યું: અમે પરદેશી મુસાફરો છીએ અને ચાકરીની શોધમાં આવ્યાં છીએ. જો ચાકરી મળે તો અહીં રહેવા વિચાર છે.
શેઠે કહ્યું: ભલે, હું ચાકરી આપીશ, એમ કહી રાજાને તેણે પોતાના મંદિરમાં પૂજા કરવાનું કામ સોંપ્યું. રાણીને વાસણ માંજવાનું કામ આપ્યું, અને બંને બાળકોને ઢોર ચારવાનું કામ સોંપ્યું. સમયને માન આપી રાજકુટુંબે આ કામ વધાવી લીધું.
તેઓએ ગામ બહાર નદીકિનારે એક સુંદર ઝૂંપડી બાંધી છે. આખો દિવસ કામ કરી ચારે જણ સાંજ ટાણે અહીં આવે છે ને એકબીજાને મળી આનંદ પામે છે. સમજુ માણસો આવેલી હાલત શાંતિથી સહન કરી તેમાંથી આગળ વધવાનો માર્ગ શોધે છે.
Jain Education International
For Personal & Private Use Only
www.jainelibrary.org
