Agam 27 Chhed 04 Dashashrutskandh Sutra Dasao Terapanth

Author(s): Tulsi Acharya, Mahapragna Acharya
Publisher: Jain Vishva Bharati

Page 36

४५६
दसाओ
एवं खलु एसा अहोरातिया भिक्खुपडिमा अहासुत्तं जाव आणाए अणुपालिया यावि भवति ॥
३२. एगराइयण्णं भिक्खुपडिमं पडिवन्नस्तअणगारस्स निच्च वोसटुकाए' 'चत्तदेहे जे केइ उवसग्गा उववज्जंति, तं जहा - दिव्वा वा माणुस्सा वा तिरिक्खजोणिया वा, ते उप्पन्ने सम्मं सहति खमति तितिक्खति अहियासैति ॥
३३. कप्पइ से अट्टमेणं भत्तेणं अपाणएणं बहिया गामस्स वा जाव रायहाणीए वा दोवि पाए साट्टु बग्घारियपाणिस्स एगपोग्गलनिरुद्धदिट्टिस्स' अणिमिसनयण' ईसि पब्भारगतेणं कारणं अहापणिहितेहि गत्ते हि सव्विदिएहिं गुत्तेहिं ठाणं ठाइए । तत्थ दिव्व- माणुस्स- तिरिच्छजोणिया उवसग्गा समुप्पज्जेज्जा, ते णं उवसग्गा पयालेज्ज वा पवाडेज्ज वा नो से कप्पति पर्यात्तिए वा पवत्तिए वा । तत्थ से उच्चारपासवणं उब्वाहेज्जा" नो से कप्पति उच्चारपासवणं ओगिव्हित्तए वा, कप्पति से पुवपडिलेहियंसि थंडिलंसि उच्चारपासवणं परिद्ववित्तए", अहाविहिमेव ठाणं ठाइत्तए ॥
३४. एगराइयण्णं भिक्खुपडिमं अणणुपालेमाणस्स इमे तओ" ठाणा अहियाए असुभाए अखमाए अणिस्साए अणाणुगामियत्ताए भवंति तं जहा - उम्मायं वा लभेज्जा, दीहालियं वा रोयायंक पाउणेज्जा, केवलिपण्णत्ताओ वा धम्माओ भंसेज्जा ॥
T
३५. एगराइयण्णं भिक्खुपडिमं सम्म अणुपालेमाणस्स अणगारस्स इमे तओ ठाणा हियाए" "सुमाए खमाए जिस्सेसाए अणुगामियत्ताए भवंति तं जहाओहिनाणे वा से समुप्पज्जेज्जा, मणपज्जवनाणे वा समुप्पज्जेज्जा, केवलनाणे वा से असमुप्पन्नपुब्वे" समुप्पज्जेज्जा ।
१. सं० पा०-वोसट्टकाए जाव अहियासेति । २. अधितासेति ( ता ) 1
३. अतः गुत्तेहि पर्यन्तं 'अ, क, ख' संकेतितादर्शेषु भिना पाठपद्धतिर्दृश्यते— ईसि पभा रगतेणं are गोग्गलट्टियाए दिट्ठीए अणिमिसनयाने अहापणितेहि गत्तेहि सव्विंदिएहि गोते ईसि दोवि पाए साहट्टु वग्घारियपाणिस्स । भगवत्यां ( ३ / १०५ ) स्वीकृतपाठानुसारी कमो लभ्यते । ४. वग्धारित पाणस्स (ता) 1
५. एगपोग्गलदिट्ठिस्स (ता); एगपोग्गलट्ठियदिट्टिस्स (वृ ) एगपोग्गलनिविदिट्ठी ( भ०
३ / १०५) । ६. मणमिस० (ता) ।
७. अधा० (ता) ।
८.
गुत्ते (ता); सर्वेन्द्रियैर्गुप्तः (दृ) | अ प्रथमान्तं पदं न युक्तं स्यात् । भगवत्यां ( ३।१०५) 'गुत्तेहि' इति पाठो दृश्यते । स च युक्तोस्ति अतः तदाधारेण स एव मूले गृहीतः । ६. अत: 'अ, क, ख' आदर्शेषु संक्षिप्त पाठो दृश्यते - तिरिच्छजोणिया जाव अहाविहिमेव । १०. उव्वा हिज्जेज्जा (ता) |
११. परिद्ववेत्ता (ता) ।
१२ तयो (ता) |
१३. सं० पा० - हियाए जाव अणुगामियत्ताए । १४. x ( ता ) ।