________________
पज्जोसवणाकप्पो
४६६ देवा वा अंतकुलेसु वा पंतकुलेसु वा तुच्छकुलेसु वा दरिद्कुलेसु वा किविणकुलेसु वा भिक्खागकुलेसु वा माहणकुलेसु वा आयाइंसु वा आयाइंति वा आयाइस्संति वा । एवं खलु अरहंता वा चक्कवट्टी वा बलदेवा वा वासुदेवा वा उग्गकुलेसु वा भोगकुलेसु वा राइण्णकुलेसु वा इक्खागकुलेसु वा खत्तियकुलेसु वा हरिवंसकुलेसु वा, अण्णयरेसु वा तहप्पगारेसु विसुद्धजातिकुलवंसेसु आयाइंसु वा आयाइंति वा आयाइस्संति वा। अत्थि पुण एसेवि भावे लोगच्छरयभूए अणंताहिं ओस प्पिणी-उस्स विणीहिं विइकंताहि समुप्पज्जति, नामगोत्तस्स वा कम्मस्स अक्खीणस्स अवेइयस्स अणिज्जिण्णस्स उदएणं, जण्णं अरहंता वा चक्कवट्टी वा बलदेवा वा वासुदेवा वा अंतकुलेसु वा पंतकुलेसु वा तुच्छ कुलेसु वा दरिद्कुलेसु वा किविणकुलेसु वा भिक्खागकुलेसु वा माहणकुलेसु वा आयाइंसु वा आयाइंति वा आयाइस्संति वा, नो चेव णं जोणीजम्मण निक्खमणणं निखमिस वा निक्खमंति वा निक्खमिस्संति वा। अयं च णं समणे भगवं महावीरे जंबुद्दीवे दीवे भारहे वासे माहणकुंडग्गामे नगरे उसभदत्तस्स माहणस्स कोडालसगोत्तस्स भारियाए देवाणंदाए माहणीए जालंधरसगोत्ताए कुच्छिसि गब्भत्ताए वक्कंते । तं जीयमेयं तीयपच्चुप्पण्णमणागयाणं सक्काणं देविदाणं देवराईणं अरहते भगवते तहप्पगारेहितो अंतकुलेहिंतो वा पंतकुलहितो वा तुच्छकुलेहितो वा दरिद्दकुलेहितो वा कि विणकुलेहिंतो वा भिक्खागकुलेहितो' वा माहणकुलेहितो वा तहप्पगारेसु उग्गकुलेसु वा भोगकुलेसु वा राइण्णकुलेसु वा इक्खागकुलेसु वा खत्तियकुलेसु वा हरिवंसकुलेसु वा, अग्णयरेसु वा तहप्पगारेसु विसुद्धजातिकुलवंसेसु साहरा वित्तए । तं गच्छ णं तुमं देवाणुप्पिया ! समणं भगवं महावीरं माहणकुंडग्गामाओ नगराओ उसभदत्तस्स माहणस्स कोडालसगोत्तस्स भारियाए देवाणंदाए माहणीए जालंधरसगोत्ताए कुच्छीओ खत्तियकुंडग्गामे नगरे नायाणं खत्तियाणं सिद्धत्थस्स खत्तियस्स कासवगोत्तस्स भारियाए तिसलाए खत्तियाणीए वासिट्ठसगोत्ताए कुच्छिसि
गब्भत्ताए साहराहि, साहरित्ता मम एयमाणत्तियं खिप्पमेव पच्चप्पिणाहि ॥ १५. तए णं से हरि-णेगमेसी पायत्ताणियाहिवई देवे सक्केणं देविदेणं देवरण्णा एवं वत्ते
समाणे हद तुटु-चित्तमाणं दिए पोइमणे परमसोमणस्सिए हरिसवस-विसप्पमाणहियए करयल 'परिग्गहियं दसनहं सिरसावत्तं मत्थए अंजलि कट्ट एवं 'जं देवो
१, २. द्रष्टव्यं एकादशं सूत्रम् । ३. वणीमग० (क, ग, पु)। ४. नायक (क, ग, पु)।
५. कासवसगोत्तस्स (पू)। ६. सं० पा०-हढे जाव हयहियए । ७. सं० पा०-करयल जाव कटु ।
Jain Education International
For Private & Personal Use Only
www.jainelibrary.org
