Agam 27 Chhed 04 Dashashrutskandh Sutra Dasao Terapanth

Author(s): Tulsi Acharya, Mahapragna Acharya
Publisher: Jain Vishva Bharati

Page 112

५३२
पज्जोसवणाकप्पो
१२१. पासस्स' णं अरहओ पुरिसादाणीयस्स अद्धटुसया चोद्दसपुव्वीणं अजिणाणं जिण
संकासाणं सव्वक्खर 'सन्निवाईणं जिणो विव अवितहं वागरमाणाणं उक्कोसिया
चोद्दसपुव्वीणं संपया होत्था ॥ १२२. पासस्स णं अरहओ पुरिसादाणीयस्स चोद्दस सया ओहिनाणीणं, दस सया केवल
नाणीणं, एक्कारस या वे उब्बियाणं, अद्धट्ठमसया विउलमईणं, छस्सया वाईणं छ
सया रिउमईणं बारस सया अणुत्तरोववाइयाणं संपया होत्था ॥ १२३. पासस्स णं अरहओ पुरिसादाणीयस्स दुविहा अंतकडभूमी होत्था, तं जहा--जुगंतक
डभूमी य, परियायंतकडभूमी य। जाव चउत्थाओ पुरिसजुगाओ जुगंतकडभूमी,
तिवासपरियाए अंतमकासी ॥ १२४. तेणं कालेणं तेणं समएणं पासे अरहा पूरिसादाणीए तीसं वासाई अगारवासमझे.
वसित्ता तेसीति राइंदियाई छ उमत्थपरियायं पाउणित्ता, देसूणाई सत्तरि वासाई केवलिपरियायं पाउणित्ता, बहुपडिपुण्णाई सत्तरि वासाइ सामण्णयरियायं पाउणित्ता, एक्कं वाससयं सव्वाउयं पालित्ता खीणे वेयणिज्जाउयनामगोत्ते' इमीसे ओसप्पिणीए दूसमससमाए समाए बहवीइक्कताए जेसे वासाणं पढमे मासे दोच्चे पवखे-सावणसद्धे, तस्स णं सावणसद्धस्स अट्रमी-पक्खेणं उप्पि सम्मेयसेसिहरंसि अप्पचोत्तीसइमे मासिएणं भत्तेणं अपाणएणंविसाहाहि नक्खत्तेणं जोगमुवागएणं
पुव्वण्हकालसमयंसि वग्धारियपाणी कालगए जाव" सब्वदुक्खप्पहीणे ॥ १२५. पासस्स णं अरहओ पूरिसादाणियस्स कालगतस्स जाव सव्वदुक्खप्पहीणस्स दुवालस
वाससयाई विइक्कंताई तेरसमस्स य वाससयस्स अयं तीसइमे संवच्छरकाले
गच्छइ॥ अरह-अरिट्टनेमि-पदं १२६. तेणं कालेणं तेणं सगएणं अरहा अरिटुनेमी पंचचित्ते होत्था, तं जहा-चित्ताहिं चए
चइत्ता गब्भं वक्कते 'चित्ताहिं जाए । चित्ताहि मुंडे भवित्ता अगाराओ अणगारियं पव्वइए । चित्ताहि अणते अणुत्तरे निव्वाघाए निरावरणे कसिणे पडिपुण्णे केवल
वरनाणदंसणे माने । चित्ताहि परिनिव्वुए । १२७. तेणं कालेणं तेणं ममाणं अरहा अरिट्टनेमी जेसे वासाणं चउत्थे मासे सत्तमे पक्खे
१. १२१,१२२ अनयोः सूत्रयो स्थाने 'ता' प्रतौ संक्षिप्ता वाचना दृश्यते-एवं अट्ठसया चोदसपुवीणं, चोद्दस सया ओहिनागीणं, दस सया केवलनाणीणं, एकारस सया वेउन्वि- याणं, अद्धट्रमसया विंउलमईणं, छस्सया वाईण, बारससया अणुत्तरोयवादयाणं । २. सं० पा०-सव्वक्खर मात्र चोइसपुवोणं ।
३. पडिपुण्णाई (ख, ग, घ, ता)। ४. वरिसाई (ता) । ५. वेयणिज्जे आउए णामे गोत्ते (ता)। ६. ४ (ख, ग)। ७. ५० सू० १०६ । ८. सं० पा०-वक्ते जाव चित्ताहिं ।