Agam 27 Chhed 04 Dashashrutskandh Sutra Dasao Terapanth

Author(s): Tulsi Acharya, Mahapragna Acharya
Publisher: Jain Vishva Bharati

Page 67

दसमा दसा
अणठे। से णं एतारूवेणं विहारेणं विहरमाणे बहूई वासाइं समणोवासगपरियागं पाउणइ, पाउणित्ता कालमासे कालं किच्चा अण्णतरेसु देवलोगेसु देवत्ताए उववत्तारो भवति । एवं खल समणाउसो ! तस्स निदाणस्स इमेतारूवे पावए फलविवागे, जं गो
संचाएति सील-व्वत-गुण-वेरमण-पच्चक्वाण-पोसहोववासाइं पडिवज्जित्तए । निग्गंथ-निग्गंथीए समणोवासगभवण-निदाण (८)-पदं ३१. एवं खलु समणाउसो ! मए धम्मे पण्णत्ते'--'इणमेव निग्गंथे पावयणे सच्चे अणुत्तरे
पडिपुण्णे केवले संसुद्धे णेआउए सल्लगत्तणे सिद्धिमग्गे मुत्तिमम्गे निजाणमग्गे निव्वाणमग्गे अवितहमविसंधी सव्वदुक्खप्प होणमग्गे। इत्थं ठिया जीवा सिझंति बुझंति मुच्चंति परिनव्वायं ति सव्वदुक्खाणमंतं करेति । जस्स णं धम्मस्स निग्गंथो वा निग्गंथी वा सिक्खाए उवट्ठिए विहरमाणे पुरा दिगिंछाए पुरा पिवासाए पुरा वातातवेहिं पुळे, विरूवरूवेहि य परिसहोवसग्गेहिं उदिण्णकामभोगे यावि विहरेज्जा । से य परक्कमेज्जा । से य परक्कममाणे दिवमाणुस्से हि कामभोगेहि निव्वेदं गच्छेज्जा-माणुस्सगा' कामभोगा अधुवा' 'अणितिया असासता सडणपडण-विद्धंसणधम्मा उच्चार-पासवण-खेल-सिंघाण-वंत-पित्त-सुक्क-सोणियसमुब्भवा दुरुय-उस्सास-निस्सासा दुरुय-मुत्त-पुरोसपुण्णा वंतासवा पित्तासवा खेलासवा पच्छा परं च णं अवस्स विप्पजहणिज्जा। दिव्वावि खल कामभोगा अधवा अणितिया असासता चला चयणधम्मा पुणरागमणिज्जा पच्छा पुव्वं च णं अवस्सविप्पजहणिज्जा। जइ इमस्स सुचरियस्स तव-नियम- बंभचेरवासस्स कल्लाणे फलवित्तिविसेसे अत्थि, तं अहमवि॰ आगमेस्साणं 'से जे इमे भवंति उम्गपुत्ता महामाउया', 'भोगपुत्ता महामाउया', एतेसि णं अण्णतरंसि कुलंसि पुमत्ताए पच्चाइस्सामि', तत्थ णं समणोवासए भविस्सामि--अभिगतजीवाजीवे जाव फासएसणिज्जेणं असण-पाण-खाइम-साइमेणं पडिलाभेमाणे विहरिस्सामि। से तं साहू। एवं खलु समणाउसो ! निग्गंथो वा निग्गंथी वा निदाणं किच्चा तस्स ठाणस्स अणालोइय° •पडिक्कंते कालमासे कालं किच्चा अण्णतरेसू देवलोएस देवत्ताए उववत्तारो भवति"-'महिड्ढिएसु जाव चिरट्टितीएसु । से णं तत्थ देवे भवति । महिड्डिए जाव भुंजमाणे विहरति । से णं ताओ देवलोगाओ आउक्खएणं
भवक्खएणं ठितिक्खएणं अणंतरं चयं चइत्ता 'से जे इमे भवंति उग्गपुत्ता महा१. सं० पा०—पपणते तं चेव सव्वं जाव से य । युज्यते । ३२ सूत्रेणाप्यस्य पुष्टिर्जायते । २. माणुस्सा खलु (ता)।
७. ओ० सू० १६२। ३. सं० पा०--अधुवा जाव विप्पजहणिज्जा । ८. फासुयएस (ता)। ४. सं० पा०--तवनियमस्स जाव आगमेस्साणं । ६. खायम (ता)। ५. सं० पा०-महामाउया जाव पुमत्ताए। १०. सं० पा०-अणालोइय जाव देवलोएसु । ६. पच्चायति (अ, क, ख); कर्तृपदस्य संदर्भ ११. सं० पा०--भवंति जाव किं भे। अत्र उत्तमपुरुषस्य एकवचनान्तं क्रियापदं १२. द्रष्टव्यं दसा० १०२४ सूत्रस्य पादटिप्पणम् ।