Agam 27 Chhed 04 Dashashrutskandh Sutra Dasao Terapanth

Author(s): Tulsi Acharya, Mahapragna Acharya
Publisher: Jain Vishva Bharati

Page 50

४७०
दसाओ
यंगी कालागरुधूवधूविया सिरी-समाणवेसा' बहूहिं खुज्जाहिं चिलातियाहिं जाव' महत्तरवंदपरिक्खित्ता जेणेव बाहिरिया उवट्ठाणसाला जेणेव सेणिए राया तेणेव
उवागच्छति ॥ १३. तए णं से सेणिए राया चेल्लणाए देवीए सद्धि धम्मियं जाणप्पवरं दुरूढे । १४. "तए णं तस्स सेणियस्स रण्णो धम्मियं जाणप्पवरं दुरूढस्स समाणस्स तप्पढमयाए
इमे अट्ठ मंगलया पुरओ अहाणुपुवीए संपट्ठिया, तं जहा-सोवत्थिय-सिरिवच्छणंदियावत्त-वद्धमाणग-भद्दासण-कलस-मच्छ-दप्पणया। तयाणंतरं च णं पुण्णकलसभिंगारं दिव्वा य छत्तपडागा सचामरा सण-रइयआलोय-दरिसणिज्जा वाउद्धयविजयवेजयंती य ऊसिया गगणतलमणुलिहंती पुरओ अहाणुपुवीए संपट्ठिया। तयाणंतरं च णं वेरुलिय-भिसंत-विमलदंडं पलंबकोरंटमल्लदामोवसोभियं चंदमंडलणिभं समूसियं विमलं आयवत्तं पवरं सीहासणं वरमणिरयणपादपीढं सपाउयाजोयसमाउत्तं बहुकिंकर-कम्मकर-पुरिस-पायत्तपरिक्खित्तं पुरओ अहाणुपुवीए संपट्ठियं । तयाणंतरं च णं बहवे लट्रिग्गाहा कृतग्गाहा चामरग्गाहा पासग्गाहा चावग्गाहा पोत्थयग्गाहा फलगग्गाहा पीढग्गाहा वीणग्गाहा कूवग्गाहा हडप्पग्गाहा पुरओ अहाणुपुव्वीए संपट्ठिया। तयाणंतरं च णं बहवे दंडिणो मुंडिणो सिहंडिणो जडिणो पिछिणो हासकरा डमरकरा दवकरा चाडुकरा कंदप्पिया कोक्कुइया किड्डकरा य वायंता य गायंता य णच्चंता य हसंता य भासंता य सासंता य सावेंता य रक्खंता य आलोयं च करेमाणा जयजयसदं पउंजमाणा पुरओ अहाणुपुव्वीए संपट्ठिया। तयाणंतरं च णं जच्चाणं तरमल्लिहायणाणं थासग-अहिलाण-चामर-गंडपरिमंडियकडीणं किंकरवरतरुणपरिग्गहियाणं अट्ठसयं वरतुरगाणं पुरओ अहाणुपुवीए संपट्ठियं । तयाणंतरं च णं ईसीदंताणं ईसीमत्ताणं ईसीतुंगाणं ईसीउच्छंगविसालधवलदंताणं कंचणकोसी-पविट्ठदंताणं कंचणमणिरयणभूसियाणं वरपुरिसारोहगसंपत्ताणं अट्ठसयं गयाणं पुरओ अहाणपुब्बीए संपट्ठियं । तयाणंतरं च णं सच्छत्ताणं सज्झयाणं सघंटाणं सपडागाणं सतोरणवराणं सणंदिघोसाणं सखिखिणीजालपरिक्खित्ताणं हेमवय-चित्त-तिणिस-कणग-णिज्जुत्तदारुयाणं कालायससुकयणेमि-जंतकम्माणं सुसिलिट्ठवतमंडलधुराणं आइण्णवर
तुरगसुसंपउत्ताणं कुसलनरच्छेयसारहिसुसंपग्गहियाणं बत्तीसतोणपरिमंडियाणं १. समावेसा (अ, क, ख)।
४. सं० पा०-सकोरटमल्लदामेणं छत्तेणं घरि२. ओ० सू०७०।
ज्जमाणेणं उववाइगमेणं नेयव्वं जाव पज्जु३. द्रुति (4); दुरूहति (ख); दुरुहति (ता) वासइ ।