Agam 12 Uvvaeam Padhamam Uvvangsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 4

सूत्तं-३
मंते बीयमंते, अनुपुव्व-सुजाय-रुइल-वट्टभावपरिणए एक्कखंधी अनेगसाला अणेगसाह-प्पसाह - विडिमे अनेगनरवाम-सुप्पसारिय-अगेज्झ-धण- विउल-बद्ध वट्ट खंधे अच्छिद्दपत्ते अविरलपत्ते अवाईणपत्ते अणईइपत्ते निद्धूय-जरढ-पंडुपत्त-नवहरिय-भिसंत-पत्तभारंधयार-गंभीरदरिसणिज्जे उवणिग्गय-नव-तरुणपत्त-पल्लव-कोमलउज्जलचलंतकिसलयसुकुमालपवाल - सोहियवरंकुरग्गसिहरे निच्चं कुसुमिए निच्चं माइ निच्चं लवइए निच्चं थवइए निचं गुलइए निच्चं गोच्छिए निच्चं जमलिए निच्चं जुवालिए निच विणमिए निच्चं पणमिए निच्चं कुसुमिय- माझ्य- लवड्य-थवइय-गुलइय-गोच्छिय- जमलिय- जुवलियविणमिय-पणमिय-सुविभत्त-पिंडि-मंजरि - वडेंसगधरे ।
सुय-बरहिण-मयणसाल-कोइल-कोहंगक- भिंगारग - कोंडलग जीवंजीवग- नंदिमुह-कविल-पिंगलक्खग-कारंडक-चक्कवाय कलहंस-सारस- अणेगसउणगण-मिहुणविरइयसद्दण्णइय महुरसरणाइ सुरम् सपिंडियदरिय भमरमहुयरिपहकरपरिलिंतमत्त छप्पय कसुमासवलोल - महुरगुमगु-मंतगुंजंतदेसभाए अब्भिंतरपुप्फफले बाहिर-पत्तोच्छण्णे पत्तेहि य पुप्फेहि य ओच्छन्न-पलिच्छन्ने साउफले निरोयए अकंट नानाविह-गुच्छ-गुम्म-मंडवगसोहि वावी - पुक्खरिणी - दीहियासु य सुनिवेसियरम्मजालंहरए पिंडिमं - नीहारमं सुगंधि सुह-सुरभि-मणहरं च महया गंधद्धणिं मुयंते नानाविहगुच्छगुम्ममंडवगरधरग-सुहसेउकेउबहुले अणेगरह-जाण-जुग्ग-सिविय - पविमोयणे सुरम्मे पासादीए दरिसणिज्जे अभिरूवे पडिरूवे ।
[४] तस्स णं वणसंडस्स बहुमज्झदेसभाए एत्थ णं महं एक्के असोगवरपायवे पन्नत्तेकुस-विकुस-विसुद्ध-रुक्खमूले मूलमंते कंदमंते जाव- पविमोयणे सुरम्मे पासादीए दरिसणिज्जे अभिरूवे पडवे ।
से णं असोगवरपायवे अन्नेहिं बहूहिं तिलएहिं लउएहिं छत्तोवेहिं सिरीसेहिं सत्तिवण्णेहिं दहिवण्णेहिं लोद्धेहिं धवेहिं चंदणेहिं अज्जुणेंहि नीवेहिं कुडएहिं कलंबेहिं फणसेहिं दाडिमेहिं सालेहिं ताहिं तमालेहिं पियएहिं पियंगूहिं पुरोवगेहिं रायरुक्खेहिं दिरुक्खेहिं सव्वओ समंता संपरिक्खित्ते ते णं तिलया लउया जाव नंदिरुक्खा कुसविकुस - विसुद्ध रुक्खमूला मूलमंतो कंदमंतो जाव - सिविय - पविमोयणा सुरम्मा पासादीया दरिसणिज्जा अभिरुवा पडिरूवा, ते णं तिलया लउया जाव नंदिरुक्खा अण्णाहिं बहूहिं पउमलयाहिं नाणलयाहिं असोगलयाहिं पंचगलयाहिं चूयलयाहिं वणलयाहिं वासंतियलयाहिं अइमुत्तयलयाहिं कुंदलयाहिं सामलयाहिं सव्वो समंता संपरिक्खित्ता ताओ णं पउमलयाओ जाव सामलयाओ निच्चं कुसुमियाओ जाव वडेंसगधराओ पासादीयाओ दरिसणिज्जाओ अभिरुवाओ पडिरूवाओ ।
[५] तस्स णं असोगवरपायवस्स उवरिं बहवे अट्ठ अट्ठ मंगलगा पन्नत्ता तं जहासोवत्थिय- सिरिवच्छ- नंदियावत्त- वद्धमाणग-भद्दासण- कलस-मच्छ-दप्पणा सव्वरयणामया अच्छा सा लण्हा घट्ठा मट्ठा नीरया निम्मला निप्पंका निक्कंकडच्छाया सप्पहा समीरिया सउज्जोया पासादीया दरिसणिज्जा अभिरूवा पडिरूवा ।
तस्स णं असोगवरपायवस्स उवरिं बहवे किण्हचामरज्झया नीलचाम- रज्झया लोहियचामरज्झया हालिद्दचामरज्झया सुक्किलचामरज्झया अच्छा सण्हा रुप्पपट्टा वइरदंडा जलयामलगंधिया सुरम्मा पासादीया दरिसणिज्जा अभिरुवा पडिरुवा ।
[दीपरत्नसागर संशोधितः ]
[3]
[१२-उववाइयं]