Agam 12 Uvvaeam Padhamam Uvvangsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 37

[५९] दीहं वा हस्सं वा जं चरिमभवे हवेज्ज संठाणं ।
तत्तो तिभागहीणा सिद्धाणोगाहणा भणिया ।। [६०] तिण्णि सया तेत्तीसा धत्तिभागो य होइ बोद्धव्वो ।
एसा खलु सिद्धाणं उक्कोसोगाहणा भणिया ।। [६१] चत्तारि य रयणीओ रयणितिभागूणिया य बोद्धव्वा ।
एसा खलु सिद्धाणं मज्झिमओगाहणा भणिया ।। [६२] एक्का य होइ रयणी साहीया अंगुलाइ अट्ठ भवे ।
एसा खलु सिद्धाणं जहण्णओगाहणा भणिया ।। [६३] ओगाहणाए सिद्धा भव-तिभागेण हॉति परिहीणा ।
संठाणमणित्थंथं जरा मरण विप्पमुक्काणं ।। [६४] जत्थ य एगो सिद्धो तत्थ अनंता भवक्खयविमुक्का ।
अण्णोण्णसमोगाढा पट्ठा सव्वे य लोगंते ।। [६५] फुसइ अनंते सिद्धे सव्वपएसेहिं नियमसो सिद्धा ।
ते वि असंखेज्जगुणा देसपएसेहिं जे पुट्ठा ।। [६६] असरीरा जीवघणा उवउत्ता दंसणे य नाणे य ।
सागारमणागारं लक्खणमेयं तु सिद्धाणं ।। [६७] केवलनाणुवउत्ता जाणंती सव्वभावगुणभावे ।
पासंति सव्वओ खलु केवलदिट्ठीहि अणंताहिं ।। [६८] न वि अत्थि माणुसाणं तं सोक्खं न वि य सव्वदेवाणं ।
जं सिद्धाणं सोक्खं अव्वाबाहं उवगयाणं ।। [६९] जं देवाणं सोक्खं सव्वद्धापिंडियं अनंतगुणं ।
न य पावइ मुत्तिसुहं णंताहिं वग्गवग्गूहीं ।। [७०] सिद्धस्स सुहो रासी सव्वद्धापिंडिओ जइ हवेज्जा ।
सोऽणंतवग्गभइओ सव्वागासे न माएज्जा ।। [७१] जह नाम कोइ मिच्छो नगरगणे बहुविहे वियाणंतो ।
न चएइ परिकहेउं उवमाए तहिं असंतीए । [७२] इय सिद्धाणं सोक्खं अणोवमं नत्थि तस्स ओवम्मं ।
किंचि विसेसेणेत्तो ओवम्ममिणं सुणह वोच्छं ।। [७३] जह सव्वकामगुणियं पुरिसो भोत्तूण भोयणं कोई ।
तण्हाछुहाविमुक्को अच्छेज्ज जहा अमियतित्तो ।। [७४] इय सव्वकालतित्ता अउलं निव्वाणमुवगया सिद्धा ।
सासयमव्वाबाहं चिट्ठति सुही सुहं पत्ता ।। [७५] सिद्धत्ति य बुद्धत्ति य पारगयत्ति य परंपरगय त्ति ।
उम्मुक्क-कम्म-कवया अजरा अमरा असंगा य ।।
सूत्तं-७६
[दीपरत्नसागर संशोधितः]
[36]
[१२-उववाइयं]