Agam 03 Ang 03 Sthanang Sutra Thanam Terapanth

Author(s): Tulsi Acharya, Nathmalmuni
Publisher: Jain Vishva Bharati

Page 393

८००
ठाणं
संजम-असंजम-पदं २२. पचिदिया णं जीवा असमारभमाणस्स दसविधे संजमे कज्जति, तं जहा-सोता
मयाओ सोक्खाओ अववरोवेत्ता भवति। सोतामएणं दुक्खेणं असंजोगेत्ता भवति ! "चक्खुमयाओ सोक्खाओ अवदरोवेत्ता भवति । चक्खुमएणं दुक्खेणं असंजोगेत्ता भवति । घाणामयाओ सोक्खाओ अववरोवेत्ता भवति । घाणामएण दुक्खेणं असंजोगेत्ता भवति । जिब्भामयाओ सोक्खाओ अववरोवेत्ता भवति । जिब्भामएणं दुक्खणं असंजोगेत्ता भवति । फासामयाओ सोक्खाओ अववरो
वेत्ता भवति° ! फासामएणं दुक्खेणं असंजोगेत्ता भवति ।। २३. “पंचिदिया णं जीवा समारभमाणस्स दसविधे असंजमे कज्जति, तं जहा
सोतामयाओ सोक्खाओ ववरोवेत्ता भवति । सोतामएणं दुक्खेणं संजोगेत्ता भवति । चक्खुमयाओ सोक्खाओ ववरोवेत्ता भवति । चक्खुमएणं दुक्खेणं संजोगेत्ता भवति । घाणामयाओ सोक्खाओ ववरोवेत्ता भवति । घाणामएणं दसवेणं संजोगेत्ता भवति । जिब्भामयाओ सोक्खाओ ववरोवेत्ता भवति । जिब्भामएणं दुक्खेणं संजोगेत्ता भवति । फासामयाओ सोक्खाओ ववरोवेत्ता
भवति । फासामएणं दुक्खेणं संजोगेत्ता भवति ।। सुहुम-पदं २४. दस सुहुमा पण्णत्ता, तं जहा-पाणसुहुमे, पणगसुहुमे', 'बीयसुहुमे, हरितसुहुमे,
पुप्फसुहुमे, अंडसुहुमे, लेणसुहुमे °, सिणेहसुहुमे, गणियसुहुमे, भंगसुहुमे ।। महाणदी-पदं २५. जंबुद्दीवे दीवे मंदरस्स पव्वयस्स दाहिणेणं गंगा-सिंधु-महाणदीओ दस महाण
दीओ समप्पेंति, तं जहा--जउणा, सरऊ, आवी, कोसी, मही, सतद्, वितत्था',
विभासा, एरावती, चंदभागा ।।। २६. जंबुद्दोवे दौवे मंदरस्स पव्वयस्स उत्तरे णं रत्ता-रत्तवतीओ महाणदीओ दस
महाणदीओ समप्पेति, तं जहा - किण्हा, महाकिण्हा, णीला, महाणीला, महातीरा, इंदा', 'इंदसेणा, सुसेणा, वारिसेणा°, महाभोगा' ।।
१. सं० पा०–एवं जाव फासामतेणं । २. सं० पा०--एवं असंयमो वि भाणितब्बो। ३. सं० पा० –पणगसुहमे जाव सिणेहसुहमे । ४. विवच्छा (क); विवत्था (ग)। ५. सं० पा०--इंदा जाव महाभोगा। ६. सर्वेषु प्रयुक्तादर्शेषु निम्नप्रकार: पाठो
लभ्यते-"किण्हा महाकिण्हा नीला महानीला
तीरा महातीरा इदा जाव महाभोगा।" वृत्तीच-"एवं रक्तासूत्रमपि नवर यावत्करणात् 'इन्दसेणा वारिसेण' ति द्रष्टव्यमिति" (वृत्तिपत्र ४५४) । किन्तु पंचमस्थानसमागतपाठस्य (सू० २३२, २३३) संदर्भ नैष पाठः समीचीनो भाति, तेनास्माभिर्मूले पंचमस्थानसमागतः पाठः स्वीकृतः ।