Agam 03 Ang 03 Sthanang Sutra Thanam Terapanth

Author(s): Tulsi Acharya, Nathmalmuni
Publisher: Jain Vishva Bharati

Page 415

८२२
ठाण
णिसिरेज्जा । तत्थ फोडा संमुच्छंति, ते फोडा भिज्जति, तत्थ पुला संमुच्छंति, ते पुला भिज्जति, ते पुला भिण्णा समाणा तामेव सह तेयसा भासं कुज्जा । १०. केइ तहारूवं समणं वा माहणं वा अच्चासातेमाणे तेयं णिसिरेज्जा, से य तत्थ णो कम्मति, णो पकम्मति, अंचिअंचियं करेति, करेत्ता आयाहिणपयाहिणं करेति, करेत्ता उड्ढं वेहासं उप्पतति, उप्पतेत्ता से णं ततो पडिहते पडिणियत्तति, पडिणियत्तित्ता तमेव सरीरगं अणुदहमाणे-अणुदहमाणे सह
तेयसा भासं कुज्जा-जहा वा गोसालस्स मंखलिपुत्तस्स तवेतेए। अच्छेरग-पदं १६०. दस अच्छेरगा पण्णत्ता, तं जहासंगहणी-गाहा
उवसग्ग गब्भहरणं, इत्थोतित्थं अभाविया परिसा। कण्हस्स अवरकंका, उत्तरणं चंदसूराणं ।।१।। हरिवंसकुलुप्पत्ती, चमरुप्पातो य अट्ठसयसिद्धा।
अस्संजतेसु पूआ, दसवि अणतेण कालेण ।।२।। कंड-पदं १६१. इमीसे णं रयणप्पभाए पुढवीए रयणे कंडे दस जोयणसयाई बाहल्लेणं पण्णते॥ १६२. इमीसे णं रयणप्पभाए पुढवीए वइरे कंडे दस जोयणसताई बाहल्लेणं पण्णत्ते ।। १६३. एवं वेरुलिए, लोहितक्खे, मसारंगल्ले, हंसगब्भे, पुलए, सोधिए, जोतिरसे, ___ अंजणे, अंजणपुलए, रतयं, जातरूवे, अंके, फलिहे, रिटे। जहा रयणे तहा
सोलसविधा भाणितव्वा ।। उव्वेह-पदं १६४. सव्वेवि णं दीव-समुद्दा दस जोयणसताई उब्वेहेणं पण्णता ॥ १६५. सव्वेवि णं महादहा दस जोयणाई उव्वेहेणं पण्णत्ता ।। १६६. सम्वेवि णं सलिलकुंडा दस जोयणाइं उव्वेहेणं पण्णत्ता॥ १६७. सीता-सीतोया णं महाणईओ मुहमूले दस-दस जोयणाई उव्वेहेणं पण्णत्ताओ।। णखत्त-पदं १६८. कत्तियाणक्खत्ते सव्वबाहिराओ मंडलाओ दसमे मंडले चारं चरति ।। १६६. अणुराधाणक्खत्ते सव्वभंतराओ मंडलाओ दसमे मंडले चारं चरति ।। णाणविद्धिकर-पदं १७०. दस णक्खत्ता णाणस्स विद्धिकरा पण्णत्ता, तं जहा-- १. अच्चि अच्चि (क); अचि अचि (ग)। ३. वतिरे (क, ख, ग) । २. कंदे (क, ग)।
४. कंदे (क, ग)।