Sutra Samvedana Part 01

Author(s): Prashamitashreeji
Publisher: Sanmarg Prakashan

Page 9

સંવેદના જગાડે એ સૂત્ર ! સુત્ર સાથે સંબંધિત હોય એ સંવેદના! પૂ. આચાર્યદેવ શ્રીમદ્ વિજય પૂર્ણચન્દ્રસૂરીશ્વરજી મહારાજ
સૂત્રોની સાર્થકતા સંવેદનાને જાગ્રત કરવામાં છે, તો સંવેદનાની સફળતા સ્મૃતિ સમક્ષ સૂત્રાર્થ-સજીવન થઈ ઉઠે એમાં છે. સૂત્ર શબ્દથી અહીં ગણધર ભગવંતો-રચિત આવશ્યક સૂત્રો સમજવાના છે અને સંવેદનાં શબ્દ અહીં ભાવધર્મ તરીકે અભિપ્રેત છે. સૂત્રને દૂધ સાથે સરખાવીએ, તો સંવેદનાને સાકર સાથે સરખાવી શકાય. સૂત્રો સુવર્ણ સમા છે, તો સંવેદના સુવર્ણમાં સુગંધ સેમી છે. સાર એવો તારવી શકાય કે, ધર્મક્રિયાઓની સફળતા-સાર્થકતા ભાવધર્મનાં જાગરણમાં છે. ભાવધર્મનું જાગરણ ન થાય કે ભાવધર્મને જાગૃત કરવાની ભાવના પણ ન હોય, તો ધર્મક્રિયાઓનું પરમ અને ચરમ ફળ ન પામી શકાય.
ધર્મની સમગ્ર સૃષ્ટિને અનુલક્ષીને તારવવામાં આવેલાં આ તથ્યને જો આપણે પ્રતિક્રમણાદિ આવશ્યક-ક્રિયાઓના સંદર્ભમાં વિચારીએ, તો સુત્ર સાથે સંવેદના અને સંવેદના સાથે સૂત્રનો સંબંધ હોવાની અનિવાર્યતા સમજાઈ ગયા વિના ન રહે. આવી સમજણ પેદા થયા બાદ સૂત્ર અને સંવેદના વચ્ચે સેતુ બનીને બંનેનું જોડાણ શક્ય બનાવે, એવા કોઈ માધ્યમ તરફ આપણી મીટ મંડાયા વિના નહિ રહે. પ્રતીક્ષાની આવી પળોમાં જેની પ્રાપ્તિથી પ્રસન્ન પ્રસન્ન બની જવાય, એવા એક માધ્યમ તરીકે બિરદાવી શકાય, એવું એક પ્રકાશન એટલે “સૂત્ર સંવેદના'.
સૂત્ર તરીકે એને જ સત્કારી શકાય, કે જે સૂતેલી સંવેદનાઓને જાગૃત કરે અને સાચી સંવેદના એને જ ગણી શકાય, કે જેનો સંબંધ સૂત્રો સાથે હોય ! હૈયામાં આ જાતની હલચલ જગાડવામાં સમર્થ આ પુસ્તકને અપાયેલું નામ “સૂત્ર સંવેદના' ખરેખર ખૂબ જ સાર્થક જણાય છે. ટૂંકી સમયાવધિમાં જ દ્વિતીયાવૃત્તિ તરીકે પુનઃ પ્રકાશિત થતા આ પ્રકાશનમાં વિદુષી સાધ્વીજી પ્રશમિતાશ્રીજીએ ખૂબ જ સુંદર, સરળ અને